អេស្ប៉ាញ៖ កាលពីយប់ថ្ងៃពុធឈានចូលថ្ងៃព្រហស្បតិ៍កន្លងទៅនេះ ក្លិប Borussia Dortmund បានធ្វើដំណើរទៅជួបជាមួយ ម្ចាស់ផ្ទះ Sevilla នៅកីឡដ្ឋាន Ramon Sanchez Piazjuan នៃទីក្រុង សេវីល ប្រទេសអេស្ប៉ាញ ដែលជាការប្រកួតក្នុងក្របខណ្ឌ Champions League វគ្គ១៦ក្រុមចុងក្រោយនៃជើងទី១ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចប់ការប្រកួត៩០នាទីពេញ Borussia Dortmund យកឈ្នះក្រុមម្ចាស់ផ្ទះ Sevilla ៣ ទល់នឹង ២ ដែលក្នុងនោះ ខ្សែប្រយុទ្ធ Erling Haaland រកបាន២គ្រាប់ម្នាក់ឯងគឺនៅនាទីទី ២៧ និង ៤៣ ខណៈមិត្តរួមក្រុម Mamoud Dahoud ស៊ុតមួយគ្រាប់នាំមុខនៅនាទីទី១៩ ឯខាងក្រុមម្ចាស់ផ្ទះវិញគឺ រកបានដោយ Suso បើកឆាកនៅនាទីទី៧ និង ខ្សែប្រយុទ្ធ Luuk De Jong នៅនាទីទី៨៤ផងដែរ។
ដោយឡែក ក្នុងការប្រកួតនេះដែរ ខ្សែប្រយុទ្ធវ័យក្មេងសញ្ជាតិន័វេស Erling Haaland បានបំបែកកំណត់ត្រាក្លាយជាកីឡាករដំបូងគេបង្អស់ក្នុងប្រវត្តិសាស្ត្រ Champions League ដែលបានស៊ុតបញ្ចូលទីបាន១៧គ្រាប់ក្នុងការបង្ហាញខ្លួនចំនួន១៣ប្រកួតនៅ UCL ។
មុននេះ Haaland ក៏ធ្លាប់បានស៊ុតបញ្ចូលទីបាន១០គ្រាប់ក្នុងពាន Champions League ដោយបង្ហាញខ្លួនឲ្យ Borussia Dortmund ត្រឹមតែ៧ដង ដែលបំបែកកំណត់ត្រាក្លាយជាកីឡាករដែលរកគ្រាប់បាល់បាន១០គ្រាប់ដោយចំណាយពេលលឿនបំផុតក្នុងការប្រកួតសម្រាប់ឲ្យក្រុមមួយ វ៉ាដាច់កំណត់ត្រារបស់លោក Roy Makaay កាលលេងឲ្យក្លិប Bayern Munich ផងដែរ។
បន្ថែមពីលើនេះទៀត កីឡាករវ័យ២០ឆ្នាំរូបនេះក៏បានក្លាយជាកីឡាករដែលរកគ្រាប់បាល់បានច្រើនបំផុតក្នុងការប្រកួតក្របខណ្ឌ Champions League នៅរដូវកាលនេះផងដែរពោលគឺចំនួន៨គ្រាប់៕
សូមទស្សនាវីដេអូនៃការប្រកួតខាងក្រោម៖
ប្រភព៖ goal