កីទ្បា
១៧-កុម្ភៈ-២០២១ ៣ល្ងាច · ៣ ឆ្នាំមុនលោកគ្រូបង្វឹក Jurgen Klopp គិតថា Liverpool ពិតជាសមនឹងទទួលបានជ័យជម្នះ
អង់គ្លេស៖ លោកគ្រូបង្វឹក Jurgen Klopp បានកោតសរសើរកីឡាករក្នុងក្រុមរបស់លោកគ្រូថាពួកគេពិតជាមានស្មារតីរឹងមាំនិងនឹងនរណាស់បើទោះបីជាពេលកន្លងមកមានការរិះគន់យ៉ាងធំសម្បើមពីសំណាក់អ្នកគាំទ្រក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស កីឡាករ Liverpool
២គ្រាប់របស់ខ្សែប្រយុទ្ធ Mohamed Salah និង Sadio Mane នៅតង់ទី២ជួយបន្តក្ដីសង្ឃឹមឲ្យហង្សក្រហម Liverpool បន្តដំណើរទៅមុខទៀតដែលជ័យជម្នះនេះចាត់ទុកជាជ័យជម្នះដ៏អស្ចារ្យមួយតាំងពីថ្ងៃបុណ្យគ្រីស្តម៉ាសឆ្នាំមុនមកម៉្លេះ។
កីឡាករ Liverpool លោកគ្រូ Klopp សម្លឹងឃើញថាកីឡាករក្នុងក្រុមពិតជាមានសតិស្មារតីរឹងមាំណាស់ដែលនោះជាផ្នែកមួយជួយឲ្យក្រុមធ្វើបានល្អក្នុងការប្រកួតនេះ។
លោកគ្រូបង្វឹក Jurgen Klopp ក្រោយចប់ការប្រកួតលោកគ្រូបាននិយាយថា៖
មានមនុស្សជាច្រើននាក់ណាស់ដែលចង់ឲ្យពួកយើងចាញ់ងើបមុខមិនរួចម្ដងទៀតប៉ុន្តែកីឡាករទាំងអស់ពិតជាធ្វើបានល្អ ពួកគេនឹងនរណាស់។ខ្ញុំដឹងថាមានអ្នកដែលចង់ឃើញពួកយើងដួលបែបនេះ។យ៉ាងណាមិញ ខ្ញុំពិតជាសប្បាយចិត្តណាស់នឹងទម្រង់លេងរបស់ក្រុម ហើយខ្ញុំគិតថាពួកយើងសមនឹងឈ្នះពិតមែន។មុនដំបូង ពួកយើងមិនសូវសង្ឃឹមថាឈ្នះប៉ុន្មានទេ ព្រោះកម្លាំងផ្នែកផ្លូវចិត្តនិងស្មារតីរបស់កីឡាករទាំងសងខាងសុទ្ធតែខ្លាំង ប៉ុន្តែខ្ញុំគិតថាយប់នេះកីឡាកររបស់ពួកយើងមើលទៅមានស្មារតីរឹងមាំជាងខាងគូប្រកួត។ខ្ញុំស្គាល់ Leipzig ច្បាស់ណាស់ ហើយខ្ញុំដឹងថាពួកយើងពិតជាមានសមត្ថភាព។
លោកគ្រូបង្វឹក Jurgen Klopp លោកគ្រូបង្វឹក Jurgen Klopp លោកគ្រូ Klopp បានបន្តទៀតថា៖
នេះជាអ្វីដែលពួកយើងត្រូវប្រឈមជាមួយ ប៉ុន្តែកីឡាករពួកយើងពិតជាធ្វើបានល្អ ពួកយើងធ្វើបានល្អពិតមែន ពួកយើងមិនមែនក្មេងបៀមដៃទេ ហើយខ្ញុំដឹងថាមួយរយៈកន្លងមកអ្នកគាំទ្រក៏មិនសូវសប្បាយចិត្តនឹងលទ្ធផលប្រកួតរបស់យើងដែរ ពួកយើងសមនឹងឈ្នះពិតមែន ពួកយើងបានដាក់សំពាធលើគូប្រកួត ដែលធ្វើឲ្យខ្ញុំសាទរនឹងជ័យជម្នះនេះណាស់។
លោកគ្រូបង្វឹក Jurgen Klopp កីឡាករ Liverpool ក្រៅពីនោះលោកគ្រូក៏បានបង្ហើបដែរថា លោកគ្រូពេញចិត្តនឹងការការពាររបស់ក្រុមណាស់ ដែលអាចទប់បាល់មិនឲ្យ Leipzig ស៊ុតបញ្ចូលទីបាន ខណៈដែលអ្នកចាំទី Alisson Becker ក៏បានសង្គ្រោះគ្រាប់បាល់ដ៏ប្រហោងពោះបាន២ដងផងដែរ៕
អ្នកចាំទី Alisson Becker ប្រភព ៖ dailymail