ផ្លូវការ! ខ្សែប្រយុទ្ធរបស់ Man UTD រូបនេះ បានបន្តកុងត្រាថ្មីជាមួយក្លិបរយៈពេល៤ឆ្នាំ
កីទ្បា
១៧-កុម្ភៈ-២០២១ ១ល្ងាច · ៣ ឆ្នាំមុន
ខ្សែប្រយុទ្ធ Mason Greenwood បន្តកុងត្រាថ្មីជាមួយ Man UTD
អង់គ្លេស៖ ខ្សែប្រយុទ្ធវ័យក្មេង Mason Greenwood បានបន្តកុងត្រាថ្មីដែលមានរយៈពេលដល់ទៅ៤ឆ្នាំជាមួយក្លិបបិសាចក្រហម Manchester United ក្នុងលក្ខខណ្ឌអាចបន្តរហូតដល់១២ខែទៀត នេះបើយោងតាមការរាយការណ៍។
កុងត្រាថ្មីរបស់ Greenwood នឹងផុតកំណត់នៅឆ្នាំ២០២៥ឯណោះ ស្របពេលរូបគេបានក្លាយជាកីឡាករដែលលោកគ្រូ Ole Gunnar Solskjaer សរសើរមិនដាច់ពីមាត់និងថែមទាំងក្លាយជាកីឡាករវ័យក្មេងបំផុតដែលស៊ុតបញ្ចូលទីឲ្យក្លិប Manchester United ទៀតផងដោយបានបង្ហាញខ្លួនបាន៨២ប្រកួតទៅហើយ។
គួរបញ្ជាក់ផងដែរថា Greenwood បានចូលលេងលើកដំបូងបង្អស់ឲ្យក្រុមឈុតធំ Manchester United កាលពីខែមីនាឆ្នាំ២០១៩ ដោយកាលណោះលោកគ្រូ Solskjaer បានប្ដូររូបគេចូលនៅចុងម៉ោង ក្នុងជ័យជម្នះ ៣-១ ទល់នឹងក្លិប Paris Saint-Germain ៕