អូស្រ្ដាលី៖ អ្នកប្រើប្រាស់បណ្ដាញសង្គមជាច្រើននាក់មានការភ្ញាក់ផ្អើល ក្រោយខ្សែវីដេអូដែលគេចែករំលែក បានបង្ហាញឱ្យឃើញទេពច្យុតហោះបំភ្លឺពេញផ្ទៃមេឃ ក្នុងទីក្រុង Melbourne ប្រទេសអូស្រ្តាលី ដោយចំយប់ថ្ងៃបុណ្យនៃក្តីស្រឡាញ់ម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទិដ្ឋភាពដ៏កម្រនេះ បានធ្វើឱ្យមានការរំជើបរំជួលយ៉ាងខ្លាំងពេញបណ្តាញអ៊ីនធើណេតក្នុងទីក្រុង Melbourne ហើយវីដេអូ និងចំណាប់អារម្មណ៍ផ្សេងៗរបស់អ្នកប្រើប្រាស់ត្រូវបានចែកចាយក្នុងបណ្ដាញសង្គមផងដែរ។ ក្នុងនោះ ខ្សែវីដេអូបានបង្ហាញឱ្យឃើញ ទេពច្យុតបានហោះឆ្ពោះមកកាន់ទីក្រុង Melbourne មុននឹងវាបញ្ចេញបន្លឺពណ៌លឿង ភ្លឺពេញផ្ទៃមេឃ នៅវេលាម៉ោង ១០និង ៤០នាទីយប់ (ម៉ោងក្នុងស្រុក)។
យ៉ាងណាមិញ សមាគមតារាសាស្ត្រនៃទីក្រុង Victoria បានលើកឡើងថា វាទំនងជាទេពច្យុត sporadic ដែលមានទំហំប្រហែលកូនឃ្លី ហើយជាធម្មតាមិនមានទំនាក់ទំនងជាមួយក្រុមទេពច្យុតណាមួយជាក់លាក់ទេ៕