កម្សាន្ត៖ កាលពី ថ្ងៃនៃសេចក្តីស្រលាញ់ ម្សិលមិញនេះ គេឃើញមាន តារាស្រីប្រុស ដែលជាគូសេ្នហ៍ ក៏ដូចជាប្តីប្រពន្ធនឹងគ្នា ជាច្រើនគូ បានបង្ហាញនៅ ភាពផ្អែមល្ហែម ចំពោះគ្នាដោយ ជូនបាច់ផ្កា និងទទួលទានអាហារ ពេលល្ងាចជុំគ្នា ដើម្បីបង្ហាញពីក្តីស្រលាញ់ ដល់គ្នាយ៉ាងមាន ក្តីសុខផងដែរ។
ក្នុងនោះ គេក៏ឃើញមាន តារាចម្រៀងប្រុស ប្រចាំផលិតកម្មហង្សមាស និងក៏ជា គណៈកម្មការប្រចាំ កម្មវិធី«The Voice Cambodia» លោកណុប បាយ៉ារិទ្ធិ ម្នាក់ផងដែរ។ ដោយក្នុងនោះ លោកណុប បាយ៉ារិទ្ធិ បានបង្ហោះរូបភាព ជាច្រើនសន្លឹកជាមួយ តារាស្រីរួមទ្រនំគឺ អ្នកនាងសុខ ស្រីនាង អមជាមួយសារ ដ៏ផ្អែមល្ហែមបែបនេះ ថា៖
ថ្ងៃValentine’s Day បងប្រាថ្នាសុំឲ្យ រចនាមានស្នាមញញឹម បែបនេះជារៀងរហូតសប្បាយចិត្តខ្លាំង ដែលថ្ងៃពិសេស បានមកមើល ពន្លឺភ្លើងទីក្រុង ជាមួយគ្នា។
តែជាក់ស្តែងទៅនេះ គ្រាន់តែជាសកម្មភាព ក្នុងការថតរឿង របស់អ្នកទាំងពីរ ជាមួយគ្នាតែប៉ុណ្ណោះ។ ពោលគឺ នៅក្នុងសាច់រឿង នោះគឺអ្នកទាំងពីរ ត្រូវដើរតួជា គូស្នេហ៍នឹងគ្នា ចំណែកក្នុងរឿងនោះ គឺអ្នកនាងសុខ ស្រីនាង មានឈ្មោះ ថារចនា នេះឯង៕
សូមតានដាន រូបដូចខាងក្រោម៖
Bong I.T