កាណាដា៖ កសិករជនជាតិកាណាដាម្នាក់ បានបំបែកឯតទគ្គកម្មពិភពលោក ដោយការដាំមើមឆៃថាវយក្សធ្ងន់បំផុតមិនធ្លាប់មានក្នុងទម្ងន់ ២៩ គីឡូក្រាមនៅក្នុងសួនរបស់គាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Damien Allard រស់នៅក្នុងខេត្តកេបិច បានរៀបរាប់យ៉ាងដូច្នេះថា គាត់ធ្លាប់បានសាកបំបែកកំណត់ត្រាពិភពលោកទៅលើការដាំមើមឆៃថាវយក្សនេះតាំងតែពីឆ្នាំ ២០១៦ មកម្ល៉េះ ប៉ុន្តែវាមានទម្ងន់ត្រឹមតែ ៧ គីឡូក្រាមប៉ុណ្ណោះ ធ្វើឱ្យលោកមិនអាចបំបែកកំណត់ត្រាចាស់ដែលមានទម្ងន់ជិត ១៨ គីឡូក្រាមក្នុងឆ្នាំ ២០០៤ នោះបានឡើយ។
យ៉ាងណាមិញ ដោយសារការតស៊ូនិងព្យាយាមដាំម្តងហើយម្តងទៀត លោកក៏បានបំបែកឯតទគ្គកម្មចាស់ក្នុងឆ្នាំ ២០០៤ នោះជាមួយនឹងកំណត់ត្រាថ្មី ដោយមើមឆៃថាវយក្សរបស់លោកមានទម្ងន់ដល់ទៅ ២៩ គីឡូក្រាមឯណោះ។ លើសពីនេះ មើមឆៃថាវយក្ស ២ ផ្សេងទៀតក៏សុទ្ធសឹងតែបំបែកកំណត់ត្រាទាំងអស់ជាមួយនឹងទម្ងន់ ២៣ និង ២៤ គីឡូក្រាម៕