រុស្ស៊ី៖ នាពេលថ្មីៗនេះ សុនកដែលគេជឿថា បានប្រែពណ៌រោមទៅជាខៀវយ៉ាងចម្លែកដោយសារការបំពុលបរិស្ថាន ត្រូវបានប្រទះឃើញនៅក្បែររោងចក្របោះបង់ចោលមួយកន្លែង ស្ថិតក្នុងទីក្រុង Dzerzhinsk នៃប្រទេសរុស្ស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរូបភាពគួរឲ្យភ្ញាក់ផ្អើលនៃសុនករោមខៀវ ត្រូវបានថតដោយអ្នកស្រុករស់នៅក្បែររោងចក្រ Dzerzhinskoye Orgsteklo ដែលរោងចក្រនេះត្រូវបានបិទទ្វារដោយសារតែជួបបញ្ហាហិរញ្ញវត្ថុ កាលពី ៦ឆ្នាំមុន។ រោងចក្រដែលបង្កើតតាំងពីសម័យសូវៀតមួយនេះ ធ្លាប់ជាកន្លែងផលិតសារធាតុគីមីធំមួយ ដែលផលិតអាស៊ីត hydrocyanic និងកញ្ចក់ plexiglass ។
ជុំវិញករណីនេះ អ្នកគ្រប់គ្រងរោងចក្រក្ស័យធនលោក Andrey Mislivets បានបដិសេធចំពោះរូបភាពសុនកទាំងនោះ ដោយអះអាងថាវាជាការប្រឌិតឡើងដើម្បីលេងសើច ឬសុនកអនាថាទាំងនោះអាចនឹងជួបជាមួយសារធាតុពណ៌ Copper sulfate ចាស់ៗដែលនៅសល់ នៅពេលពួកវាកំពុងរកចំណីនៅជុំវិញតំបន់រោងចក្រដែលគេបោះបង់ចោលនោះ។
ករណីស្រដៀងគ្នានេះ ធ្លាប់បានកើតឡើងកាលពីប៉ុន្មានឆ្នាំមុនផងដែរ នៅពេលសុនកអនាថាប្រែពណ៌រោមធម្មជាតិ ទៅជាពណ៌ផ្សេង។
យ៉ាងណាមិញ អជ្ញាធរក្រុងត្រូវគេរាយការណ៍ថាបានស្នើសុំការអនុញ្ញាត ឲ្យចូលទៅកាន់តំបន់ឯកជននោះកាលពីថ្ងៃព្រហស្បតិ៍កន្លងទៅ ដើម្បីចាប់សុនកមកពិនិត្យ និងការវាយតម្លៃសុខភាព ក៏ដូចជាមូលហេតុនៃការប្រែពណ៌រោមរបស់វាជាដើម៕
សូមទស្សនារូបភាពខាងក្រោម៖
Bong I.T