បរទេស៖ លោកអ្នកប្រិយមិត្តមួយប្រាកដជាបានទស្សនាខ្សែភាពយន្តភាគរបស់ Marvel ដែលសហការជាមួយ Disney បានខ្លះទៅហើយមុនពេលមកចាប់អានអត្តបទនេះ។ ថ្ងៃនេះយើងនឹងសូមលើកយកតួអង្គមួយដែលនៅក្នុងខ្សែភាពយន្ត WandaVision នេះមកនិយាយគឺ Billy Maximoff ដែលជាកូនរបស់ Wanda ឬហៅថា Scarlet Witch។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBilly គឺបានបង្ហាញវត្តមាននៅក្នុងភាគទី៥នៃរឿងជាមួយនឹង Thomas Maximoff ដែលជាបងប្អូនភ្លោះរបស់ពួកគេ។ យ៉ាងណាមិញនៅក្នុងវគ្គទី៦ដែលទើបចេញនាយប់មិញគឺថ្ងៃទី១២ ខែកុម្ភៈ ឆ្នាំ២០២១ រូបគេ Billy និង Thomas បានបង្ហាញ សមត្ថភាព (Ability) របស់ពួកគេមកយ៉ាងអស្ចារ្យធ្វើឱ្យក្រុមហ្វេនៗក៏ដូចជាអ្នកនិយមអានសៀវភៅរឿង Comics របស់ Marvel មានភាពត្រេកអរយ៉ាងខ្លាំង។
តាម Ability របស់ពួកគេទាំងពីរគឺបង្ហាញឱ្យឃើញថាសមត្ថភាពរបស់ពួកគេគឺមិនខុសពី Comics ប៉ុន្មានឡើយគឺ Thomas នឹងមានឈ្មោះជា Superhero របស់គេគឺ Speed ដែលមានសមត្ថភាពដូចទៅនឹង Pietro ដែលជាពូ រីឯ Billy វិញប្រើអំណាចវេទមន្តស្រដៀងនឹង Wanda ដែលហើយទទួលបានឈ្មោះថា Wiccan ដែលពួកគេទាំងពីនឹងក្លាយទៅជាសមាជិក Avenger ជំនាន់ថ្មីនៅខាងមុខ ឬគេហៅថា The Young Avenger នេះបើយោងតាមសៀវភៅប្រលោមលោក Comics របស់ Marvel នេះ។
ទោះបីជាយ៉ាងណាក៏ដោយតួអង្គ Wiccan មួយនេះមានចំណុចមួយដែលគួរឱ្យចាប់អារម្មណ៍បើយោងតាម Comics រូបគេគឺជាមនុស្សម្នាក់ដែលស្រលាញ់ភេទដូចគ្នាហើយដៃគូរបស់គេគឺ Teddy មាននាមជា Hero ថា Hulkling ដែលជាសមាជិក Young Avenger មួយរូបដែរ ហើយវាមិនខុសពីខ្សែភាពយន្តដែលនឹងចេញឆាប់ៗនេះគឺ The Eternals ដែលលេចឮថានឹងមានវត្តមាន Superhero ដែលស្រលាញ់ភេទដូចគ្នាដំបូងបង្អស់នៅក្នុង MCU។
គួរឱ្យដឹងដែរថា នៅក្នុងសៀវភៅ Comics មានចំណងជើងថា YOUNG AVENGER (2013) ភាគ១ ដែលតាមទស្សនវិស័យរបស់ Billy ពួកគេបានបាត់បង់មិត្តភក្តិច្រើនពេកហើយក្នុងនាមជាវីរៈបុរសគឺមានគ្រោះថ្នាក់ខ្លាំងណាស់ខណៈពេលដែល Teddy បានបដិសេធមិនព្រមចំណាយពេលវេលាក្នុងជីវិតរបស់គាត់អត់ប្រយោជន៏ដោយមិនប្រើប្រាស់សមត្ថភាព Ability របស់គេ។ សេចក្តីស្រលាញ់របស់ Hulking ចំពោះ Billy ត្រូវបានលាតត្រដាងបង្ហាញក្នុងជំលោះរបស់ពួកគេនេះហើយទីបំផុតបានជួយដោះស្រាយបញ្ហាជំលោះរបស់ពួកគេអស់។
បន្ទាប់មកដំណើរនៃស្នេហារបស់ពួកគេទាំងពីក៏បន្តរហូតបានរៀបការជាមួយគ្នាទៀតផងនៅក្នុង Avengers Empyre Aftermath #1៕