សហរដ្ឋអាមេរិក៖ ថ្មីៗនេះ មេធាវីនៅរដ្ឋតិចសាស់ម្នាក់ ឈ្មោះ Rod Ponton ទទួលបានការចាប់អារម្មណ៍យ៉ាងខ្លាំងនៅលើអ៊ីនធឺណេត ជុំវិញឃ្លីបវីដេអូកំឡុងពេលធ្វើសវនាការតុលាការតាមរយៈកម្មវិធី Zoom រួមគ្នាមួយ ដោយរូបលោកបែរប្រែទៅជាសត្វឆ្មាគួរឲ្យអស់សំណើច ក្រោយចុចចំ Filter ឆ្មា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិញរឿងរ៉ាវគួរឲ្យហួសចិត្ដនេះ លោក Ponton បានប្រាប់សារព័ត៌មាន BBC ថា៖
ខ្ញុំមិនដឹងថា Zoom អាចប្រែឲ្យខ្ញុំក្លាយទៅជាសត្វឆ្មានោះទេ ហើយខ្ញុំក៏មិនដឹងថា Filter ឆ្មាក្នុង Zoom ធ្វើឲ្យខ្ញុំល្បីល្បាញនៅលើអ៊ីនធឺណេតដែរ ប៉ុន្ដែវាកើតឡើងតែប៉ុន្មានម៉ោងប៉ុណ្ណោះ។
លោក Ponton ប្រាប់កម្មវិធីរបស់ BBC នៅថ្ងៃពុធដែរថា៖
ដំបូងៗ វាដំណើរការល្អណាស់ រូបភាពរបស់ខ្ញុំបានលេចឡើងជាធម្មតា រួមទាំងចៅក្រមផងដែរ ប៉ុន្តែនៅពេលចៅក្រមលើកយកករណីមកពិភាក្សា ខ្ញុំក៏បានបាត់ខ្លួនហើយស្រាប់តែលេចចេញឆ្មាមួយក្បាលមកបង្ហាញខ្លួនជំនួសខ្ញុំវិញ ធ្វើឱ្យខ្ញុំភ្ញាក់ផ្អើលយ៉ាងខ្លាំង។
លោកបានបន្ថែមទៀតថា លោកកំពុងប្រើប្រាស់កុំព្យូទ័ររបស់លេខារបស់លោក នៅពេល Filter ឆ្មាលេចឡើង ហើយបានជំនួសមុខរបស់លោក ដោយកូនឆ្មាពណ៌សមួយក្បាល ដែលមានភ្នែកធំៗគួរឲ្យខ្លាច។ នៅពេលនោះ ជំនួយការរបស់លោកបានព្យាយាមកែប្រែស្ថានការ ខណៈដែលលោកខំនិយាយប្រាប់អ្នកនៅក្នុងវីដេអូខលរួមគ្នានោះថា «ខ្ញុំកំពុង Live នៅទីនេះ ខ្ញុំមិនមែនជាឆ្មាទេ»។
វីដេអូខាងលើត្រូវបានចៅក្រមឈ្មោះ Roy Ferguson យកទៅចែករំលែកវីដេអូនៅលើបណ្តាញអ៊ីនធឺណេត ហើយនៅក្នុងនោះដែរលោកក៏បានបញ្ជាក់ដល់ប្រជាជនអំពី Filter នោះផងដែរ៕
សូមទស្សនារូបភាពនិងវីដេអូខាងក្រោម៖
Bong I.T