មិនមែនល្បីតែឈ្មោះទេណា! ជី ដេវីត បញ្ចេញក្បាច់គុណ រ៉េបមួយឃ្លានេះ ញ៉ាប់សាហាវជាងម៉ាសុីនដេរទៀត (មានវីដេអូ)

ភ្នំពេញ៖ កាលពីប៉ុន្មានម៉ោងមុនកំពូលតារាចម្រៀងរ៉េប លោក ងួន ចាន់ដេវីត ហៅកាត់ថា ជី ដេវីត បានបញ្ចេញស្នៀតពិសេស ដោយរ៉េបយ៉ាងវែងអន្លាយអស់មួយដង្ហើមតែម្តង ធ្វើឲ្យទស្សនិកជនដែលបានទស្សនាហើយកើតសរសើរគ្រប់គ្នា។

ដោយឡែក បើតាមវីដេអូខ្លីនោះ តារាចម្រៀងប្រុសរូបនេះ បានរ៉េបតាមរបៀបគោកគ្មានភ្លេង ដោយក្នុងល្បឿនលឿនខ្លាំងមែនទែនដោយស្ទើរតែស្តាប់ពុំទាន់​ ហើយជាពិសេសនោះគឺការរ៉េបរបស់លោកគ្មានខុសមួយម៉ាត់ សោះឡើយ សូម្បីសរសៃកលោកវិញគឺឃើញឡើងប៉ោងខ្លាំងផងដែរ​ ដែលកម្រនឹងមានតារាចម្រៀងរ៉េបណាមួយអាចធ្វើបានដូចលោកខ្លាំងណាស់។

យ៉ាងណាមិញ ការរ៉េបខ្លីៗនេះ​អាចជាប៉ារូលអាចជាបទថ្មីរបស់ ជី ដេវីត ដែលលោកគ្រាន់តែចង់បង្ហាញ Trailer ជូនហ្វេនប៉ុណ្ណោះ ទោះបីជាយ៉ាងនេះក្តីយើងមិនទាន់ដឹងច្បាស់នៅឡើយ ដោយមានតែរង់ចាំមើលតទៀតតើនេះជាបទថ្មីរបស់លោកឬ យ៉ាងណាវិញ៕

សូមចូលទស្សនារូបភាពនិង វីដេអូខាងក្រោម៖