បារាំង៖ រូបថតគួរឱ្យប្លែកភ្នែកជាច្រើនសន្លឹក ត្រូវបានថតកាលពីថ្ងៃសៅរ៍សប្ដាហ៍កន្លងទៅ ដោយបង្ហាញឱ្យឃើញពីផ្ទៃមេឃនៅទីក្រុងមួយក្នុងប្រទេសបារាំងប្រែក្លាយជាពណ៌លឿងលាយទឹកក្រូច ដោយសារតែព្យុះខ្សាច់សាហារ៉ា ដែលបក់បោកមកពីទ្វីបអាហ្រ្វិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទិដ្ឋភាពដ៏កម្រនេះកើតឡើងនៅក្នុងទីក្រុង Lyon ប្រទេសបារាំង ដែលបានធ្វើឱ្យទីក្រុង Lyon ទាំងមូលប្រែពណ៌យ៉ាងចម្លែក។ ក្នុងនោះ ក្រុមព្យាករណ៍អាកាសធាតុ SRF Meteo ប្រទេសបារាំង បានគូសបញ្ជាក់ថា “ជាក់ស្ដែង ហេតុការណ៏ដ៏កម្រកើតឡើងនេះ គឺមកពីប្រព័ន្ធសម្ពាធទាបនៅឧបទ្វីប Iberian បានប្រមូលផ្តុំនាំយកព្យុះខ្សាច់សាហារ៉ាមួយហោះមកកាន់ប្រទេសបារាំង ហើយធូលីខ្សាច់សាហារ៉ា ដែលហោះហើរនៅក្នុងផ្ទៃមេឃទីក្រុង Lyon ច្រើន បានប្រែវាក្លាយជាពណ៌លឿងលាយទឹកក្រូច”។
យ៉ាងណាមិញ ក្រុមព្យាករណ៍អាកាសធាតុ SRF Meteo បានប្រាប់ថា ព្យុះខ្សាច់ខាងលើត្រូវការចំណាយពេលពី ២ថ្ងៃ ទៅ ១សប្ដាហ៍ ក្នុងការធ្វើដំណើរពីវាលខ្សាច់ទ្វីបអាហ្រ្វិកទៅអឺរ៉ុប ដោយដុំធូលីធ្ងន់ៗនឹងធ្លាក់មកលើដីវិញ ប៉ុន្តែដុំធូលីស្រាលនឹងបន្តហោះក្នុងបរិយាកាស៕