នារីរកស៊ីផ្លូវភេទ លួចប្រាក់ ពីភ្ញៀវអស់ ជាង ២ម៉ឺនដុល្លារអាមេរិក

កាលពីពេលថ្មីៗនេះ បុរសជាជនជាតិបរទេសម្នាក់ បានបាត់ប្រាក់ ២០,០០០ ដុល្លារអាមេរិក និង ៤,០០០យ័ន បន្ទាប់ពីរួមភេទជាមួយនឹង នារីរកស៊ីផ្លូវភេទ នៅទីក្រុង ខ្វាងស៊ូ ខេត្ដខ្វាងទង់ នៃប្រទេសចិន។

យោងទៅតាមសារព័ត៌មានបរទេស បានឲ្យដឹងថា បុរសជាជនរងគ្រោះនេះ មានអាយុ ៤៣ឆ្នាំ តែមិនបានបញ្ជាក់ឈ្មោះនោះទេ បានចូលរាំលេងនៅក្នុងក្លឹបមួយ ក្នុងទីក្រុងនេះ ក៏និយាយត្រូវរ៉ូវ ជាមួយនឹងនារីរកស៊ីផ្លូវភេទម្នាក់តែម្ដង។ យ៉ាងណាមិញ នារីរកផ្លូវភេទនោះមានឈ្មោះថា Luo អាយុ ៥០ឆ្នាំ បានទាមទារប្រាក់ ៥០០យ័ន ឬ ៨២ដុល្លារអាមេរិក ពីបុរសជនជាតិបរទេសនេះ ជាការដោះដូរនឹងការរួមភេទ។ នៅក្នុងនោះ បុរសនេះបាននិយាយតថ្លៃត្រឹមតែ ៣០០យ័នប៉ុណ្ណោះ ឬ ៤៩ ដុល្លារអាមេរិក រួចពួកគេក៏ធ្វើដំណើរទៅកាន់សណ្ឋាគារ Dongfeng Lu ។ បន្ទាប់ពីរួមភេទរួច បុរសជាជនរងគ្រោះ ក៏សម្រាក ដែលនេះជាឳកាសផ្ដល់ឲ្យ នារីរកស៊ីផ្លូវភេទនេះ លួចប្រាក់ ដោយសារតែនាងបានឃើញប្រាក់ជាច្រើន នៅក្នុងកាបូបបុរសនេះ នៅពេលដែលបុរសនេះឲ្យប្រាក់ ថ្លៃសេវាកម្មរួមភេទនោះ។

បន្ទាប់ពីមានហេតុការណ៍នេះ កើតឡើង ប៉ូលីសបានធ្វើការចាប់ខ្លួន ស្ដ្រីរកស៊ីផ្លូវភេទនេះ នៅស៊ីឆ័ន  និងប្រទះឃើញថា នាងបានចាយប្រាក់នោះ អស់ទៅហើយ ដែលនាងក៏ធ្លាប់ជាប់ពាក់ព័ន្ធនឹង ករណីពីមុនៗទៀតដែរ។ នៅក្នុងពេលនេះ នាងត្រូវបានបញ្ជូនទៅឃុំខ្លួន ដើម្បីធ្វើការបញ្ជូនទៅកាន់តុលារការធ្វើការកាត់ក្ដី។

តើប្រិយមិត្ដយល់យ៉ាងណា ចំពោះនារីរកស៊ីផ្លូវភេទបែបនេះ?

ខ្មែរឡូត