លោក​គង់ រ៉ា​យុទ្ធ ត្រៀម​សម្ពោធ​ហាង​ និង​វីឡា​ក្នុង​ថ្ងៃ​តែ​មួយ​

រាជធានីភ្នំពេញ ៖ លោកគង់ រ៉ាយុទ្ធ តារាសម្តែង និងជាអ្នកជំនួញល្បីឈ្មោះគួរសម ម្នាក់បានត្រៀមបើកសម្ពោធហាង និងវីឡានៅថ្ងៃទី៦ មិថុនា ២០១៣នេះហើយ ដោយលោកនឹងអញ្ជើញភ្ញៀវចូលរួម ប្រហែលជាង៣០០នាក់ ក្នុងនោះភាគច្រើនសុទ្ធ តែជាអ្នកសិល្បៈ និងអ្នកជំនួញ ។

លោកគង់ រ៉ាយុទ្ធ បាននិយាយថា វីឡា និងហាងថ្មីរបស់លោក ដែលជិតបើកដំណើរការនេះចំណាយ ពេលសាងសង់ជាង២ឆ្នាំទើបរួចរាល់ និងចំណាយប្រាក់អស់ជាង៥០ម៉ឺនដុល្លារ ឯណោះទៅលើការរៀបចំតុបតែង ហើយថវិកាសាងសង់នេះភាគច្រើនជា ប្រាក់របស់ឪពុកម្តាយលោក និងប្រាក់ដែលរកបានពីការធ្វើជំនួញរបស់ លោកអស់រយៈពេលជាច្រើនឆ្នាំមកនេះ ។

យ៉ាងណាមិញលោកក៏ បានបង្ហើបឱ្យដឹងទៀតថា នៅពេលសម្ពោធហាង និងឡើងគេហដ្ឋាននេះចប់រួចរាល់ លោកក៏មានគម្រោងបើក សាខាថ្មីមួយកន្លែងទៀតនៅទីរួមខេត្តសៀមរាបផងដែរ។ សរុបមកដល់ពេលនេះសាខា លក់សម្លៀកបំពាក់របស់លោកមានដល់ ទៅ៧សាខាឯណោះ ទាំងនៅរាជធានីភ្នំពេញ និងនៅតាមបណ្តាខេត្តធំៗ មួយចំនួនទៀត៕

បញ្ចូលអត្ថបទ ៖ បុប្ផា កោះ

 ផ្តល់សិទ្ធដោយ កោះសន្តិភាព