ល្បីខ្លាំងប៉ុណ្ណាក៏ ជា សុវណ្ណនរាហ៍ នៅតែបង្ហាញជីវិត បែបសាមញ្ញ ដោយមិនសម្ញែងទ្រព្យ (មានវីដេអូ)

ភ្នំពេញ៖ កាលពីថ្មីៗនេះលេចមុខ លោក ជា សុវណ្ណនរាហ៍ តួអង្គប្រុសក្នុងរឿង «ក្រឡអីហ្នឹង» បានបង្ហាញពីជីវភាពសាមញ្ញៗ  នៅក្នុងបណ្តាញសង្គមហ្វេសប៊ុក ដោយសុខធ្វើខ្លួនធម្មតាៗ មិនខ្ចីសម្ញែងទ្រព្យធន ដែលខ្លួនរកបានជាសាធាណៈនោះឡើយ។

ដោយឡែក តាមរយៈវីដេអូនៅក្នុងគណនីហ្វេសប៊ុករបស់តារាប្រុសរូបនេះ បានថតសកម្មភាពខ្លួនបង់សំណាញ់រកត្រីនៅក្នុងស្រះ ដែលមានទីតាំងនៅចំការរបស់លោកផ្ទាល់ យ៉ាងសប្បាយរីករាយ តាមរបៀបធម្មជាតិ ដូចអ្នកចំការទូទៅផងដែរ ដោយមិនប្រកាន់ថាខ្លួនជាតារាល្បីអ្វីឡើយ មិនទៅពិតជាគួរឲ្យគោរពណាស់។

ក្រោយពីការបង្ហោះវីដេអូរួចមក អ្នកគាំទ្រមួយចំនួនក៏បាននិយាយលេងឌឺដងតាមរយៈ ការបញ្ចេញមតិ ប៉ុន្តែក្នុងន័យលេងសើចជាមួយតារាប្រុសរូបនេះប៉ុណ្ណោះ ចំណែកលោកវិញក៏នៅតែមិនប្រកាន់ដោយតបទៅវិញ ដោយក្តីស្រលាញ់ផងដែរ៕

សូមចូលទស្សនារូបភាពនិង វីដេអូខាងក្រោម៖