ភ្នំពេញ៖ បន្ទាប់ពីចូលរោងការរួមមកឃើញថា តារាសម្តែងស្រី ម៉ាក សែនសូនីតា និងស្វាមីតែងតែបង្ហោះរូបភាពជុំគ្រួសារ បង្ហាញស្នាមញញឹមយ៉ាងសប្បាយរីករាយ មានសុភមង្គល និងមានក្ដីសុខខ្លាំងតែម្ដង។ ម្យ៉ាងវិញទៀត អាចនិយាយបានថាកូនប្រុសដំបូងរបស់នាង គឺជាចំណងដៃដ៏ធំមួយសម្រាប់ជីវិតប្ដីប្រពន្ធក្រោយរៀបការបាន ១ឆ្នាំជាងមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង មុននេះបន្តិចនៅលើគណនី Instagram និង Facebook របស់អ្នកម៉ាក់សម័យថ្មី ម៉ាក់ សែនសូនីតា បានបង្ហោះរូប Surprise ឪពុកម្តាយក្មេកជាមួយនឹងរថយន្តទំនើបដ៏ថ្មីស្រឡាង ១ គ្រឿងតម្លៃខ្ទង់រាប់ម៊ឺនដុល្លារឯណ្ណោះ។ ដោយនៅក្នុងនោះផងដែរ ម៉ាក់ សែនសូនីតា បានបង្ហោះរូបភាពជាច្រើនជាមួយនឹងលោកឪពុកម្តាយក្មេក រួចទាំងសារយ៉ាងដូច្នេះថា «ឆ្នាំថ្មីហេងហេង កាដូធំមួយជូនប៉ាម៉ាក់ ប៉ាម៉ាក់ថាមានឡាននឹងស្រួលដឹកបូនីតតូដើរលេង»។
បន្ទាប់ពីបង្ហោះរូបភាពជាច្រើនសន្លឹកទាំងនោះរួចមកឃើញមានមិត្តភក្តិ និងអ្នកគាំទ្រជាច្រើនបានចូលរួមត្រេកអរ និងសរសើរនូវទឹកចិត្តកូនប្រសារស្រីរូបនេះសឹងតែគ្រប់ៗគ្នាតែម្តង៕
ចង់ជ្រាបច្បាស់សូមទស្សនារូបភាពខាងក្រោមនេះ ៖