អាមេរិក៖ អ្នកប្រដាល់ជើងចាស់សញ្ជាតិអាមេរិក Mike Tyson កំពុងចរចាឡើងសង្វៀនសាជាថ្មីជាមួយនឹងគូប្រជែងជើងចាស់ Evander Holyfield នៅឯប្រទេសឌូបៃ នេះបើយោងតាមសេចក្ដីរាយការណ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Tyson ដែលមានអាយុ៥៤ឆ្នាំទៅហើយ បានត្រឡប់មកឡើងសង្វៀនវិញកាលពីខែវិច្ឆិកានៅឆ្នាំ២០២០ ក្នុងការប្រកួតទល់នឹង អ្នកប្រដាល់ Roy Jones Jr. ដែលមានអាយុ៥២ឆ្នាំដែលការប្រកួតនេះមានអ្នកទស្សនាជាច្រើនលាននាក់ដែលលទ្ធផលគឺពួកគេទាំងពីរស្មើគ្នា។
យោងតាមសារព័ត៌មាន The Sun គឺ Mike Tyson និង Evander Holyfield នឹងវិលត្រឡប់មកជួបគ្នាលើសង្វៀនវិញ ដោយការប្រកួតគ្រោងនឹងធ្វើឡើងនៅទឹកដីអាស៊ីបូពា៌។
HolyField ក៏ធ្លាប់និយាយដែរថាភ្នាក់ងាររបស់គេកំពុងពិភាក្សាលើដំណើរការរៀបចំការប្រកួតជាមួយ Tyson ដែលអ្នកប្រដាល់វ័យ៥៨ឆ្នាំរូបនេះជាកីឡាករតែម្នាក់គត់ដែលអាចផ្ដួល Mike Tyson ពីរដង ដោយធ្វើឲ្យTyson សន្លប់នៅឆ្នាំ១៩៩៦ ហើយការប្រកួតនៅឆ្នាំ១៩៩៧គឺ Tyson ត្រូវប្រកាសឲ្យចាញ់ពេលព្យាយាមខាំត្រចៀក Holyfield ។
ថ្លែងប្រាប់ The Sun កាលពីខែមុន Holyfield បាននិយាយថា៖
អ្វីដែលប្រុងកើតវានឹងកើត អ្វីដែលខ្ញុំអាចប្រាប់អ្នកបានគឺ ក្រុមរបស់ពួកយើងកំពុងចរចាជាមួយភ្នាក់ងាររបស់ Tyson អ៊ីចឹងហើយខ្ញុំកំពុងរង់ចាំការសម្រេចចិត្តរបស់គេ។ពួកគេកំពុងទាក់ទងចរចាគ្នាហើយ។ខ្ញុំក៏កំពុងហ្វឹកហាត់សម្រាប់ការប្រកួតនេះដែរ ខ្ញុំទាយទុកថាថ្ងៃណាមួយការប្រកួត(ជាមួយ Mike Tyson)នឹងកើតឡើង ខ្ញុំត្រៀមរួចរាល់អស់ហើយ។
Holyfield ឡើងសង្វៀនចុងក្រោយគេនៅឆ្នាំ២០១១ ដែលលោកបានផ្ដួលអ្នកប្រដាល់ Brian Nielsen ក្នុងទឹកទី១០។
ទាំង Tyson និង Holyfield សុទ្ធតែធ្លាប់ប្រឈមនឹងភាពខ្វះខាតទើបចង់រួមចំណែកបរិច្ចាគប្រាក់ចេញពីហោប៉ៅខ្លួនឯងដល់អង្គការសប្បុរសធម៌ជាច្រើននិងសង្ឃឹមថាការឡើងសង្វៀនរបស់ពួកគេនឹងអាចរកប្រាក់បានច្រើនសន្ធឹកសន្ធាប់។
កាលពីខែមុន Holyfield បានបង្ហើបថាការវាយគ្នាសាជាថ្មីជាមួយ Mike Tyson អាចនឹងធ្វើឲ្យពួកគេរកប្រាក់បានខ្ទង់ ១៥០លានផោន(ស្មើនឹងប្រមាណ២០៤លានដុល្លារ)៖
នៅពេលដែលឱកាសហុចមកឲ្យ ខ្ញុំចង់ប្រឹងប្រែងធ្វើឲ្យគ្រប់យ៉ាងល្អបំផុត ខ្ញុំជឿថាបើខ្ញុំនិង Mike វ៉ៃគ្នានោះពួកយើងអាចរកបានមិនក្រោម ២០០លានដុល្លារនោះឡើយ នេះជាអ្វីដែលមិនអាចប្រកែកបាន៕
ប្រភព៖ dailymail
Bong I.T