ម៉ាឡេស៊ី៖ គ្រូអនុវិទ្យាល័យម្នាក់ បានធ្វើតេស្ដវិជ្ជមានជំងឺកូវីដ-១៩ ហើយឥឡូវនេះកំពុងសម្រាកព្យាបាលនៅឯមជ្ឈមណ្ឌលដាច់ដោយឡែកមួយកន្លែង ស្ថិតក្នុងទីក្រុង Keningau រដ្ឋ Saban នៃប្រទេសម៉ាឡេស៊ី។ តែទោះជាយ៉ាងណា គ្រូបង្រៀនម្នាក់នេះមានការព្រួយបារម្ភអំពីសិស្សរបស់ខ្លួន ដែលនឹងត្រូវប្រលងថ្នាក់ជាតិ (SPM) ឆាប់ៗនេះ ជាហេតុធ្វើឲ្យគាត់សម្រេចចិត្ដបន្ដបង្រៀនពួកគេតាមអនឡាញ ពីកន្លែងព្យាបាលជំងឺតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា គ្រូបង្រៀនរូបនេះមានឈ្មោះ Naimmi Yusof វ័យ៣៤ឆ្នាំ បង្រៀននៅសាលា Sekolah Menengah Kebangsaan (SMK) Bingkor ស្ថិតក្នុងទីក្រុង Keningau រដ្ឋ Saban ។ ហើយគាត់បានធ្វើតេស្ដវិជ្ជមានជំងឺកូវីដ-១៩ កាលពីថ្ងៃទី២៦ ខែមករា ដោយត្រូវបានបញ្ជូនទៅព្យាបាលនៅឯមណ្ឌលដាច់ដោយឡែកមួយ ដែលសង់ក្នុងកីឡដ្ឋាន Keningau ។
តែយ៉ាងណាមិញ ទោះបីជាសាលាបានអនុញ្ញាតឲ្យលោកគ្រូ Naimmi បានសម្រាកពីការបង្រៀនក៏ដោយ ប៉ុន្ដែគាត់នៅតែបារម្ភអំពីកូនសិស្ស។ តួយ៉ាង គាត់បានមានប្រសាសន៍ថា៖
លោកបានបន្ថែមថា ទោះជាសម្ភារសម្រាប់បង្រៀនមានកំណត់ក៏ដោយ លោកគឺជាគ្រូបង្រៀនដែលមានការទទួលខុសត្រូវ ហើយដរាបណានៅអាចបង្រៀនបាន នោះលោកនឹងនៅតែបន្ដបង្រៀនពួកគេពីមណ្ឌលដាច់ដោយឡែកទៅ។ ជាក់ស្ដែង បន្ទាប់ពីបានពិគ្រោះយោបល់ជាមួយវេជ្ជបណ្ឌិត លោកគ្រូ Naimmi បានចាប់ផ្ដើមថតមេរៀននៅលើទូរសព្ទដៃ រូចបង្ហោះចូលគណនីយូធូបរបស់លោក ដូច្នេះកូនសិស្សអាចចូលមើលមេរៀនទាំងនោះបាន។
លោកបាននិយាយដែរថា វេជ្ជបណ្ឌិតបានប្រាប់ថាសុខភាពរបស់លោកល្អប្រសើរឡើងហើយ និងអាចធ្វើអ្វីដែលលោកចូលចិត្ដ ដូច្នេះលោកបានជ្រើសរើសយកការបង្រៀនតាមអនឡាញ។ ហើយលោកនឹងបន្ដបង្រៀនរហូតដល់លោកត្រូវបានអនុញ្ញាតឲ្យចាកចេញពីមណ្ឌលដាច់ដោយឡែកតែម្ដង៕
សូមទស្សនារូបភាពខាងក្រោម៖