ភ្នំពេញ៖ តារាចម្រៀង ពេជ្រ សូលីកា ហាក់កំពុងតែទទួលបានការចាប់អារម្មណ៍ខ្លាំងទៅលើបទចម្រៀងដែលទើបនឹងចេញផ្សាយនាប៉ុន្មានថ្ងៃមុននេះ ដោយមានទាំងមតិរិះគន់ទៅលើការចម្លងចំណងជើង និងមតិគាំទ្រទៅលើសម្លេងពីរោះស៊ីនឹងអត្ថន័យក្នុងបទចម្រៀង “ស្រវឹងគ្រប់ដប Sad គ្រប់បទ”។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ពេជ្រ សូលីកា បើទោះបីមិនសូវជាមានបទចម្រៀងចេញក្នុងផលិតកម្មយ៉ាងណាក្តី ប៉ុន្តែមួយបទៗរបស់អ្នកនាងតែងតែជាប្រភេទបទមេ ដែលជាបទស៊ីនឹងសម្លេង ក៏ដូចជាបទមនោសញ្ចេតនាស័ក្តិសមបំផុតសម្រាប់តារាចម្រៀងស្រគត់ស្រគំរូបនេះ។
ដោយឡែកពិតជាភ្ញាក់ផ្អើលជាខ្លាំងក្រោយពេលដែលបានដឹងថា ម្ចាស់បទ “ឬគិតថារូបអូនមិនចេះយំ” រូបនេះនឹងត្រូវក្លាយជាគណៈកម្មការក្នុងកម្មវិធីប្រឡងសមត្ថភាពចម្រុះ “Gatsby Idol” របស់ផលិតផល Gatsby នាពេលឆាប់ៗខាងមុខនេះ។
គួរបញ្ជាក់បន្ថែមថា ពេជ្រ សូលីកា នឹងត្រូវក្លាយជាគណៈកម្មការរួមគ្នាជាមួយតារាចម្រៀង ២ដួង ទៀតគឺលោក នីកូ និងតារាចម្រៀង Original Song លោក P-Sand ផងដែរ៕
សូមទស្សនារូបភាពខាងក្រោមនេះ៖
Bong I.T