Neville ថា Man UTD គ្មានគីឡូប្រជែងជាមួយ Liverpool និង Man City ព្រោះខ្វះរបស់សំខាន់មួយនេះ

ខ្ញុំគិតថាការប្រកួតទាំងបីចុងក្រោយនេះពិតជាគួរឲ្យខកចិត្តណាស់ Man UTD ប៉ះនឹង Liverpool,Sheffield Unitedនិង Arsenal...ហើយក្លិបក៏រកបានតែ២ពិន្ទុប៉ុណ្ណោះ។ខ្ញុំបានចូលរួមស្តាប់លោក Roy Keane និង Jamie Redknapp និយាយរឿងការប្រកួតរបស់ Man UTD ទល់នឹង Liverpool និង Arsenal ដែរកាលពីយប់មិញ តែខ្ញុំនៅតែគិតថាពួកគេ(Manchester United) នៅតែមិនទាន់រីកចម្រើនគ្រប់គ្រាន់ កីឡាកររបស់ក្លិបមិនទាន់មានស្មារតីក្នុងនាមជាអ្នកឈ្នះនោះឡើយ វាពិបាកណាស់ដែលពួកគេត្រូវគិតថាគ្រូបង្វឹក(Ole Gunnar Solskjaer)នឹងត្រូវបណ្ដេញចេញកាលពីប្រាំបីសប្តាហ៍មុនក្រោយចាញ់ RB Leipzig និងធ្លាក់ចេញពីពាន Champions League ហើយសុខៗក្រុមទាំងមូលស្រាប់តែធ្វើបានល្អប្រាំបីសប្តាហ៍ក្រោយមក ដែលខ្ញុំគិតថាពួកគេមិនទាន់មានស្មារតីសមស្របនឹងការប្រជែងយកពាននេះនោះទេ វាផ្លាស់ប្ដូរលឿនពេកហើយ។ ពួកគេមិនដូច Liverpool ទេ ពួកគេមិនទាន់បានឈ្នះពានជាមួយកីឡាករសព្វថ្ងៃនោះឡើយ ពួកគេក៏មិនដូច Manchester City ដែរ ពួកគេមិនទាន់មានបទពិសោធន៍ក្នុងរឿងនេះទេ។

ខ្ញុំមិនបានភ្ញាក់ផ្អើលទេបើសិនពួកគេស្រវាយកពាននោះមិនបាន ព្រោះពួកយើងគិតថាពួកគេធ្វើមិនបានទេ តែវាគួរឲ្យខកចិត្តណាស់ដែលពួកគេនៅលេងមិនទាន់ដល់កម្រិតកំពូល ប៉ុន្តែខ្ញុំបានធ្វើចិត្តទទួលយកហើយ ក្នុងនាមជាអ្នកគាំទ្រម្នាក់ ខ្ញុំចង់ឲ្យ Man UTD លេងឲ្យដល់កម្រិត Liverpool និង Man City បើសិនអ្នកប្រាប់ខ្ញុំថាពីរបីខែទៀត Man UTD នឹងលេងល្អដូច Liverpool និង City ខ្ញុំមុខជាសប្បាយចិត្តណាស់ព្រោះវាជាការបោះជំហានដ៏ធំមួយរបស់ក្រុម។