រាជធានីភ្នំពេញ ៖ បុរស២នាក់និងក្មេងប្រុសម្នាក់បានរងរបួសស្រាលក្នុងហេតុការណ៍ គ្រោះថ្នាក់ចរាចរណ៍មួយនៅតាមបណ្ដោយផ្លូវជាតិលេខ២ ក្នុងសង្កាត់ចាក់អង្រែក្រោម ខណ្ឌមានជ័យ កាលពីវេលាម៉ោង៩និង១០នាទីយប់ថ្ងៃទី៨ មេសា ២០១២ ដោយសារមិនគោរពច្បាប់ចរាចរណ៍ជិះម៉ូតូបញ្ច្រាសទិស។
បុរសរងគ្រោះឈ្មោះសារ៉ែន ដា អាយុ២៣ឆ្នាំ ជាកម្មកររោងចក្រ ស្នាក់នៅភូមិទួលក្រសាំង ឃុំរកាខ្ពស់ ស្រុកស្អាង ខេត្ដកណ្ដាល រងរបួសត្រូវជើងនិងមុខ ប្រាប់ឱ្យដឹងថា មុនពេលកើតហេតុគាត់បានជិះម៉ូតូឌ្រីមសេ១២៥ ពណ៌ខ្មៅ តាមបណ្ដោយផ្លូវជាតិលេខ២ពីជើងទៅត្បូង។ លុះមកដល់ចំណុចកើតហេតុ ដោយសារតែជាន់ហ្វ្រាំងមិនទាន់ក៏ជ្រុលទៅបុកចំហៀងម៉ូតូវីវ៉ាដែល បើកបរដោយបុរសម្នាក់ បញ្ច្រាសទិសគ្នាបណ្តាលឱ្យម៉ូតូទាំង២ដួលប្រាវទៅនឹងទ្រូងផ្លូវ រងរបួសតែម្ដង ។
ក្រោយពីគ្រោះថ្នាក់ម៉ូតូវីវ៉ា និងម៉ូតូឌ្រីមសេ១២៥ ត្រូវបានប៉ូលិសខណ្ឌមានជ័យយកទៅរក្សាទុក ដើម្បីរង់ចាំការដោះស្រាយ ៕
បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]