ចូល​វ័យ ២១ ឆ្នាំ​ភ្លាម! រ៉េត ស៊ូហ្សា​ណា បង្ហើប​​​​រូបភាព​​ប៉ុន្មាន​សន្លឹក​​​​​​យ៉ាង​​​ទាក់ទាញ​​​​នៅ​​ឆ្នេរ​​សមុទ្រ

ភ្នំពេញ៖ នាប៉ុន្មានឆ្នាំចុងក្រោយមកនេះ ទស្សនិកជនមិនតិចទេសង្កេតឃើញថា​ តារាចម្រៀងដ៏វ័យក្មេង​ប្រចាំ​ផលិត​កម្ម​រស្មីហង្សមាស រ៉េត ស៊ូហ្សាណា ហាក់មានទីផ្សារសិល្បៈខ្ពស់ និងមានសន្ទុះប្រជាប្រិយភាពខ្លាំង​គួរឲ្យកត់សម្គាល់​ស្ទើរ​គ្រប់​ទិសទី និងគ្រប់មជ្ឈដ្ឋានពាសពេញប្រទេសកម្ពុជាតែម្តង។

គួររំឮកផងដែរថា រ៉េត ស៊ូហ្សាណា គឺជាអតីតបេក្ខភាពនៅក្នុងកម្មវិធីលំដាប់ពិភពលោក The Voice Cambodia  រដូវកាល​ទី១ ហើយនាងគឺជាបេក្ខភាពមួយរូបដែលមានភាពលេចធ្លោជាងគេក្នុងចំណោមបេក្ខភាពដទៃទៀត។

ទន្ទឹមនឹងគ្នានេះផងដែរ រ៉េត ស៊ូហ្សាណា មិនត្រឹមតែមានសម្រស់ស្រស់ស្អាតនោះទេ នាងថែមទាំងមានសមត្ថភាព​ពិសេស​ៗជាច្រើន ដែលជាហេតុធ្វើឲ្យនាងមានភាពល្បីល្បាញ តាំងតែពីពេលដែលនាងនៅជាបេក្ខភាពប្រឡងម្ល៉េះ។ រហូតមកទល់នឹងពេលនេះ រ៉េត​ ស៊ូហ្សាណា រឹតតែមានកេរ្តិ៍ឈ្មោះខ្លាំងជាងមុនទៅទៀតនៅពេលនាងបានក្លាយទៅជា​តារាចម្រៀងអាជីពប្រចាំផលិតកម្មរស្មីហង្សមាស។

យ៉ាងណាមិញ កាលពីម្សិលមិញនេះជាថ្ងៃខួបក្នុងវ័យ ២១ ឆ្នាំរបស់ រ៉េត ស៊ូហ្សាណា ប៉ុន្តែឃើញថានាងនៅតែមានភាព​មមាញឹកយ៉ាងខ្លាំងជាមួយការងារសិល្បៈ ដោយមិនទាន់ឃើញមានកម្មវិធីជប់លៀង ឬជួបជុំជាមួយមិត្តភក្តិ និងក្រុម​គ្រួសារ​នៅឡើយទេ។

ដោយឡែកថ្ងៃនេះស្រាប់តែឃើញតារាចម្រៀងស្រីរូបនេះបានបង្ហោះរូបភាពជាច្រើនសន្លឹកនៅលើបណ្តាញសង្គម​ជាមួយនឹងឈុតសម្លៀកបំពាក់រ៉ូបពណ៌សជាមួយនឹងទេសភាពដ៏ស្រស់ស្អាតនៅលើឆ្នេរសមុទ្រ ដែលរូបភាពទាំងនោះ​មើល​ទៅពិតជាគួរឲ្យស្រលាញ់ និងខ្យូតខ្លាំងតែម្តង៕

ចង់ជ្រាបច្បាស់ សូមទស្សនារូបភាពខាងក្រោមនេះ​​ ៖