ក្រោយឃើញការបង្ហោះបញ្ចប់កុងត្រា សេង រដ្ឋា ពីMiss Grand កម្ពុជា ស្រាប់តែ ហេង ចន្ថា ស៊ែរនិយាយថា.....

ភ្នំពេញ៖ កាលពីពេលថ្មីៗនេះ មានរឿងរ៉ាវដ៏គួរឲ្យចាប់អារម្មណ៍មួយ ដែលទាក់ទងទៅនឹងម្ចាស់មកុដ Miss Grand កម្ពុជាកញ្ញា សេង រដ្ឋា និងផលិតកម្មមហាហង្ស។  ហើយជុំវិញរឿងរ៉ាវវមួយនេះ អាចនឹងឈានដល់ការដកហូតដំណែងពីជ័យលាភីរូបនេះ ដោយមូលហេតុម្ចាស់មកុដរូបនេះបានធ្វើខុសនូវកិច្ចសន្យាជាមួយក្រុមហ៊ុនផងដែរ។

តែទោះបីជាយ៉ាងណា  ក៏ខាងផលិតកម្មមហាហង្សបានធ្លាប់ធ្វើការអញ្ជើញ កញ្ញា សេង រដ្ឋា ដែលជាកញ្ញាឯក Miss Grand កម្ពុជាឆ្នាំ២០២០ មកក្រុមហ៊ុនដើម្បីដោះស្រាយក៏ដូចជាសម្របសម្រួលនូវ បញ្ហាដែលធ្លាប់មានកន្លងមកទៀតផង។ ក្នុងនោះដែរ មុននេះបន្តិចខាងផេក Miss Grand Cambodia បានបង្ហោះសារ អមជាមួយលិខិតនិយាយពីការបញ្ចប់កុងត្រា និងដកតំណែងបវរកញ្ញាឯក Miss Grand កម្ពុជាឆ្នាំ២០២០ ដោយមានមេធាវីជាអ្នកដោះស្រាយផងដែរ។ 

តួយ៉ាង បន្ទាប់ពីបង្ហោះសារ និងលិខិតកិច្ចព្រមព្រៀងបញ្ចប់វិវាទរវាងក្រុមហ៊ុនមហាហង្ស និងម្ចាស់ជ័យលាភីមិនបានប៉ុន្មានផង គេឃើញកញ្ញា ហេង ចន្ថា ដែលជាម្ចាស់ជ័យលាភី Miss Grand កម្ពុជាឆ្នាំ ២០១៦ បានស៊ែរការផុសនេះជាសាធារណៈ ព្រមទាំងបានសរសេរសារខ្លីមួយបែបសោកស្ដាយយ៉ាងដូច្នេះថា៖

គួរបញ្ជាក់ផងដែរថា បើទោះបី កញ្ញា ហេង ចន្ថា មិនបានសរសេរសារវែង តែពាក្យប៉ុន្មានឃ្លានេះ អាចបង្ហាញឲ្យគ្រប់គ្នាបានដឹងថា នាងពិតជាសោកស្ដាយនូវតំណែងជំនួសម្ចាស់មកុដឆ្នាំនេះជាខ្លាំង ដែលត្រូវបានដកហូតដំណែងបែបនេះ។ ម្យ៉ាងវិញទៀត ចំពោះការដកតំណែងនេះ កញ្ញា សេង រដ្ឋា គឺនាងបានយល់ស្របទៅនឹងការសម្រេចរបស់ខាងក្រុមហ៊ុន និងមិនមានសិទ្ធបន្តជា កញ្ញាឯកដ៏អស្ចារ្យកម្ពុជា២០២០ ទៀតនោះទេ៕

សូមទស្សនារូបផាពខាងក្រោម៖