អង់គ្លេស៖ លោកគ្រូបង្វឹករបស់ក្រុមបិសាចក្រហម Ole Gunnar Solskjaer បាននិយាយចំៗតែម្ដងថាអាជ្ញាកណ្ដាលបានបង្កកំហុសពីរយ៉ាងដោយកាត់សេចក្ដីមិនជ្រះស្រលះ ក្រោយក្រុមរបស់លោកគ្រូទទួលរងបរាជ័យទល់នឹងក្រុមបាតតារាង Sheffield United ក្នុងលទ្ធផល ១ ទល់នឹង ២ កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកគ្រូគិតថាអាជ្ញាកណ្ដាលមិនគួរឲ្យគ្រាប់បាល់បើកឆាកនៅនាទីទី២៣របស់ខ្សែការពារ Kean Bryn ទៅខាង Sheffield នោះឡើយព្រោះលោកគ្រូឃើញថាអ្នកចាំទី David De Gea ត្រូវបានរារាំងដោយកីឡាករ Billy Sharp ។
ហើយចំណុចមួយទៀតគឺ គ្រាប់បាល់របស់ខ្សែប្រយុទ្ធ Anthony Martial ក៏ត្រូវលោកអាជ្ញាកណ្ដាលសម្រេចមិនឲ្យវាទៅខាង Man UTD ដែរ ទាំងដែលអ្នកចាំទីក្រុម Sheffield កីឡាករ Aaron Ramsdale បានព្យាយាមបង្កកំហុសទៅលើរូបគេ។
លោកគ្រូ Ole Gunnar Solskjaer បានផ្ដល់បទសម្ភាសន៍ដល់ BT Sport បន្ទាប់ពីបរាជ័យដ៏អាម៉ាស់នេះថា៖
ពួកយើងអាចគ្រប់គ្រងបាល់បានច្រើនណាស់ ប៉ុន្តែចំណុចខ្សោយមួយគឺពួកយើងធ្វើឲ្យរបូតគ្រាប់បាល់ដល់ទៅ២គ្រាប់នោះឯង។ពួកយើងមិនបានបង្កើតឱកាសស៊ុតបញ្ចូលទីតាមស្មើពួកគេវិញទេ។ ពួកយើងបាត់បង់ភាពជាខ្លួនឯងកាលពីមុន ហើយពួកគេក៏លេងការពារបានល្អណាស់ ពួកគេលេងជាមួយពួកយើងដោយភាពយុត្តិធម៌ ប៉ុន្តែពួកយើងទៅវិញទេដែលមិនមានដំណោះស្រាយណាមួយដើម្បីកែប្រែស្ថានការណ៍។
លោកគ្រូបានគូសបញ្ជាក់កំហុសទាំងពីរយ៉ាងរបស់អាជ្ញាកណ្ដាលថា៖
គ្រាប់បាល់ទី១គឺជាកំហុសឆ្គង(ដែលអាជ្ញាកណ្ដាលមិនគួរឲ្យ) ព្រោះBilly Sharp បានមករត់មកពាំង De Gea មិនឲ្យសង្គ្រោះបាល់ ប៉ុន្តែចុងក្រោយគ្រាប់បាល់ចុងក្រោយរបស់ពួកយើង(ដែល Martial ស៊ុត)ត្រូវអាជ្ញាកណ្ដាលសម្រេចមិនឲ្យមកខាងយើង។ខ្ញុំគិតថាអាជ្ញាកណ្ដាលមានកំហុសត្រង់ចំណុច២នេះ។ នៅមួយរយៈនេះមានបញ្ហាចម្រូងចម្រាសនិងលទ្ធផលប្លែកៗកើតឡើងក្នុងពិភពបាល់ទាត់ប៉ុន្តែលើកនេះវាបានកើតឡើងលើក្រុមពួកយើង។
ប្រភព៖ thesun
Bong I.T