អង់គ្លេស៖ យោងតាមសេចក្ដីរាយការណ៍ ក្លិបខ្នាយមាន់មាស Tottenham Hotspur ចាប់អារម្មណ៍លើខ្សែបម្រើ Angel Di Maria បន្ទាប់ពីកីឡាករម្នាក់នេះបានជាប់ជម្រើស១១នាក់ដំបូងក្រោមការដឹកនាំរបស់លោកគ្រូបង្វឹកថ្មី Mauricio Pochettino របស់ Paris Saint-Germain ប៉ុន្តែអនាគតរបស់គេនៅតែស្រពេចស្រពិលព្រោះកុងត្រារបស់កីឡាករវ័យ៣២ឆ្នាំរូបនេះនឹងអស់សុពុលភាពនៅរដូវក្ដៅនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកគ្រូបង្វឹក Pochettino អាចនឹងចង់ចងជើងគេទុកនៅកីឡដ្ឋាន Parc Des Princes ហើយ Di Maria អាចនឹងចង់ស្នាក់នៅបន្តប៉ុន្តែយ៉ាងណាមិញ Spurs មិនបោះបង់ចោលគោលដៅតាមយកខ្សែបម្រើសញ្ជាតិអាហ្សង់ទីនម្នាក់នេះនោះឡើយ។
កំឡុងពេលនេះ ប្រាក់ខែរបស់ Di Maria នៅ PSG ត្រូវបានកាត់បន្ថយដោយសារក្លិបសេដ្ឋីបារាំងមួយនេះសុំការយោគយល់ពីកីឡាករព្រោះបាត់បង់ចំណូលមួយភាគធំដោយសារការផ្ទុះឡើងនៃវីរុសកូវីដ១៩ ខណៈដែលបើសិនជាគេផ្ទេរមកលេងជាមួយ Spurs គឺគេអាចបានប្រាក់ខ្ពស់ជាងនោះ។
Angel Di Maria ផ្ទេរពីក្លិបអធិរាជស Real Madrid ទៅកាន់ក្លិនបិសាចក្រហម Manchester United មុននឹងបន្តផ្ទេរទៅលេងឲ្យ Paris Saint-Germain នៅឆ្នាំ២០១៥ ហើយបន្ទាប់ពីនោះគេបង្ហាញខ្លួនឲ្យក្លិបបាន២៤៣ប្រកួត បញ្ជូនបាល់ឲ្យមិត្តរួមក្រុម១០២គ្រាប់និងស៊ុតបញ្ចូលទីបាន៨៦គ្រាប់៕
ប្រភព៖ thesun