អង់គ្លេស៖ លោក John Aldridge ដែលជាអតីតខ្សែប្រយុទ្ធរបស់ក្លិបហង្សក្រហម Liverpool និយាយថាអតីតក្លិបរបស់លោកគ្មានខ្សែប្រយុទ្ធទុកសាគួរមួយណាដែលអាចចូលលេងជំនួសខ្សែប្រយុទ្ធទាំងបីនាក់គឺ Sadio Mane, Mohamed Salah និង Roberto Firmino ឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកថែមទាំងបានបញ្ជាក់ទៀតថាទម្រង់លេងរបស់ខ្សែប្រយុទ្ធសញ្ជាតិប្រេស៊ីល Roberto Firmino បានក្លាយជារឿងគួរឲ្យកង្វល់មួយសម្រាប់ Liverpool និងលោកគ្រូបង្វឹក Jurgen Klopp ទើបចង់ឲ្យក្លិបទិញយកខ្សែប្រយុទ្ធឆ្នើមវ័យក្មេង Erling Haaland ដែលក្លិប Borussia Dortmund ដាក់តម្លៃខ្លួនដល់ទៅ១០០លានផោន(ស្មើនឹងប្រមាណ១៣៦លានដុល្លារ)មកកាន់ទឹកដីកីឡដ្ឋាន Anfield ។
កីឡាករ Liverpool ភាគច្រើនកំពុងធ្លាក់ទម្រង់លេងក្រោយខ្សែការពារសញ្ជាតិហូឡង់ Virgil van Dijk អវត្តមានរយៈពេលយូរក្នុងការប្រកួតដែលក្នុងនោះក៏មានខ្សែប្រយុទ្ធ Firmino ដែរដែលលោក Aldridge គិតថាគេពិតជាលេងមិនបានល្អខ្លាំងណាស់។
លោកបានថ្លែងប្រាប់ Sunday World ថា៖
ទម្រង់លេងរបស់ Roberto Firmino បានក្លាយជារឿងដ៏គួរឲ្យកង្វល់មួយអ៊ីចឹងហើយខ្ញុំចង់លើកទឹកចិត្តឲ្យ Liverpool ទិញយក Erling Haaland នៅរដូវក្ដៅខាងមុខមិនថាត្រូវដោះដូរដោយអ្វីក៏ដោយ។ Liverpool គ្មានកីឡាករសាគួរក្នុងតំបន់ប្រយុទ្ធនោះឡើយ ដូចដែលយើងឃើញស្រាប់ហើយថាពេល Mo Salah, Sadio Mane និង Roberto Firmino លេងមិនសូវល្អគឺគ្មានកីឡាករណាមកជំនួសតំណែងឡើយ។ កីឡាករដូច Haaland អាចនឹងផ្ដល់អ្វីជាច្រើនដល់ក្លិប បើទោះបីជាក្លិបត្រូវចំណាយដល់ខ្ទង់១០០លានផោនដើម្បីទិញយករូបគេពី Borussia Dortmund ក៏ដោយ គេជាកីឡាករដែលខ្ញុំចង់ឃើញថាលេងនៅទីនោះ។
លោក John Aldridge បានបន្តទៀតថា៖
Haaland ពិតជាកីឡាករដ៏អស្ចារ្យមែន គេអាចនឹងធ្វើឲ្យក្រុមកាន់តែខ្លាំង ហើយប៉ុន្មានឆ្នាំចុងក្រោយនេះ គេនៅតែលេងបានលេចធ្លោ គេរឹងមាំណាស់ បោះបាល់ច្បាស់ៗ និងជាអ្នកបញ្ចប់ទីដ៏អស្ចារ្យ។ក្រៅពីនោះទៀត គេនៅវ័យក្មេង ចេះស្រេកឃ្លានជ័យជម្នះ ដែលនោះជាអ្វីដែល Liverpool កំពុងខ្វះខាតនៅពេលនេះ។
ប្រភព៖ goal
Bong I.T