អឺរ៉ុប៖ អ្នកប្រដាល់សញ្ជាតិរុស្ស៊ី Khabib Nurmagomedov ដែលធ្លាប់ឡើងវាយគ្នាជាមួយអ្នកប្រដាល់សញ្ជាតិអៀរឡង់ Conor McGregor កាលពីឆ្នាំ២០១៨ បានបង្ហោះសារក្នុងន័យឌឺដងផ្លែផ្កាដល់អតីតគូប្រកួតរបស់គេក្រោយ McGregor ចាញ់ អ្នកប្រដាល់សញ្ជាតិអាមេរិក Dustin Poirier ក្នុងសង្វៀន UFC 257 ដែល Poirier បានប្រើក្បាច់ទាត់ត្រង់ជើងឲ្យ McGregor ទប់លំនឹងលែងបាននឹងដួលចុះអុកគូថលើសង្វៀនទើប Poirier ដាក់ថែមពីរដៃខ្លាំងៗរហូតលោកអាជ្ញាកណ្ដាលសម្រេចបញ្ចប់ការប្រកួតធ្វើឲ្យ Poirier ឈ្នះ McGregor នៅទឹកទី២ដោយ TKO(Technical Knock Out)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជា Khabib Nurmagomedov ដែលជាម្ចាស់ជើងឯកសង្វៀន UFC គីឡូស្រាល(lightweight) បានប្រកាសចូលនិវត្តន៍កាលពីខែតុលាឆ្នាំ២០២០កន្លងមកនេះមែនតែគេក៏បានតាមដានរាល់ព័ត៌មានទាក់ទងនឹងការប្រកួត UFC (Ultimate Fighting Championship) ធំៗដូចជាការប្រកួតរវាង Dustin Poirier និង Conor McGregor ដែរ។
បន្ទាប់ពីចប់ការប្រកួតក្រោមបរាជ័យរបស់ Conor McGregor អ្នកប្រដាល់ Khabib បានបង្ហោះសារមួយក្នុងគណនីបណ្ដាញសង្គម Twitter ផ្ទាល់ខ្លួនថា៖
Khabib បាននិយាយដូច្នេះបន្ទាប់ពី Conor McGregor ប្រកាសថាគេបានហ្វឹកហាត់កាយសម្បទាខ្លួនឯងឲ្យឡើងទៅ ១៥៥ផោន(ខ្នាតគីឡូ)និងហ្វឹកហាត់ជាមួយប្រព័ន្ធហ្វឹកហាត់ខុសពីលើកមុនជាមួយនឹងក្រុមការងារថ្មី។
ស្រាប់តែ Conor McGregor បានឆ្លើយវាយបកទៅ Khabib វិញយ៉ាងឡូយថា៖
គួររម្លឹកផងដែរថា អ្នកប្រដាល់ Khabib Nurmagomedov ដែលមានកំណត់ត្រាធ្លាប់វាយ ២៩-០(ឈ្នះទាំង ២៩ លើក និងមិនដែលចាញ់)ធ្លាប់ចាប់ឃ្លេករបស់ Conor McGregor បង្ខំឲ្យសុំចុះចាញ់ការប្រកួត(Submission)កាលពីសង្វៀន UFC 229 នៅថ្ងៃទី៧ខែតុលាឆ្នាំ២០១៨ ត្រឹមទឹកទី៤ ៕
ប្រភព៖ nypost