​មាន សូនីតា បក​ស្រាយ​ការ​ចោទ​ប្រកាន់​រឿង​ រើស​អើង​ផលិត​កម្ម​

រាជធានីភ្នំពេញ ៖ អតីតហ្វ្រេសស៊ីហ្គើល ចំណាត់ថ្នាក់លេខ៤ ឆ្នាំ២០០៩ នាង មាន សូនីតា បានចេញមកអះអាងចំពោះការចោទ ប្រកាន់មកលើរូបនាងថា ជាតារាសម្តែងមួយរូប ដែលរើសអើងផលិតកម្ម ។ ការចោទប្រកាន់នេះកើតឡើង បន្ទាប់ពីមួយរយៈចុង ក្រោយនេះគេសង្កេតឃើញថា នាងត្រូវបានម្ចាស់ ផលិតកម្មដ៏ល្បីល្បាញ គឺអ្នកស្រីពាន់ ភួងបុប្ផា ជួយជ្រោមជ្រែងឱ្យនាងសម្តែងជាតួឯក ជាបន្តបន្ទាប់ ធ្វើឱ្យកេរ្តិ៍ឈ្មោះក្នុងវិស័យសិល្បៈ របស់នាងកាន់តែមានប្រជាប្រិយ ភាពថែមទៀត ។

កត្តានេះអាចចាត់ទុកថា ជាដើមចមមួយនាំឱ្យ គេសន្និដ្ឋានទៅលើរូបនាងថា មានការរើសអើងចំពោះ បណ្តាផលិតកម្មនានាដែលចង់បានរូបនាងទៅថត ដោយសារតែនាងត្រូវបានចងជើង ជាប់ជាមួយផលិតកម្មរបស់ អ្នកស្រីពាន់ ភួងបុប្ផា តែមួយនោះ ។

យ៉ាងណាក៏ដោយពាក់ព័ន្ធនឹង ការចោទប្រកាន់ខាងលើនេះ ត្រូវបានតារាសម្តែង និងបង្ហាញម៉ូដរូបនេះបដិសេធ និងច្រានចោលទាំងស្រុង ដោយអះអាងថា នាងមិនបានរើសអើងចំពោះបណ្តា ផលិតកម្មផ្សេងពីផលិតកម្មរបស់អ្នកស្រី ពាន់ ភួងបុប្ផា ដូចការអះអាងខាងលើនេះទេ ៕

បញ្ចូលអត្ថបទ ៖ បុប្ផា កោះ

 ផ្តល់សិទ្ធដោយ កោះសន្តិភាព

• មាន សូនីតា