អូស្ដ្រាលី៖ ថ្មីៗនេះ អ្នកមុជទឹកមកពីទីក្រុងស៊ីដនីម្នាក់ ឈ្មោះ Ketty បានចាប់យកទិដ្ឋភាពនៅក្រោមទឹកស្ទើរតែមិនគួរឲ្យជឿ នៅពេលមានហ្វូងត្រីឆ្លាមក្បាលញញួរ (Hammerhead Sharks) ប្រមាណ២០០ក្បាល បានហែលឡោមព័ទ្ធនាង នៅក្នុងផ្ទៃសមុទ្រ ដែលស្ថិតក្នុងរដ្ឋ New South Wale ប្រទេសអូស្ដ្រាលី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងប្រភពព័ត៌មានបានឲ្យដឹងថា កាលពីសប្ដាហ៍មុននេះ នាង Ketty បានចុះមុជទឹកនៅទីតាំងរូង Fish Rock ដែលជាកន្លែងមុជទឹកជម្រៅ១២៥ម៉ែត្រដ៏ពេញនិយមក្នុងរដ្ឋ New South Wale និងជាពេលដែលនាងបានជួបប្រទះនឹងហ្វូងត្រីឆ្លាមជាច្រើនក្បាល បានហែលពីលើនាង។ ខណៈនោះ នាងបានសំងំតោងជាប់នឹងផ្ទាំងថ្ម ហើយបានដកកាមេរ៉ាថតយកទិដ្ឋភាព ដែលហ្វូងត្រីឆ្លាមហែលក្នុងចម្ងាយតែប៉ុន្មានម៉ែត្រពីនាងប៉ុណ្ណោះ។
នាង Ketty ក៏បានបង្ហោះឃ្លីបនោះ ដោយអមនឹងចំណងជើងថា៖
គួរឲ្យដឹងដែរថា ត្រីឆ្លាមក្បាលញញួរអាចលូតលាស់ធំបំផុតបានរហូតដល់ប្រវែង ៦ម៉ែត្រ ហើយវាត្រូវបានគេចាត់ទុកថាជាប្រភេទត្រី ដែលមិនបង្កគ្រោះថ្នាក់ដល់មនុស្សឡើយ។ តួយ៉ាង មានតែការវាយប្រហារចំនួន ១៧ករណីប៉ុណ្ណោះទូទាំងពិភពលោក ដែលត្រូវបានគេកត់ត្រាទុកជាឯកសារ តែមិនបានបង្កឲ្យមានមនុស្សស្លាប់ទេ៕
សូមទស្សនារូបភាព និងវីដេអូខាងក្រោម៖