ចុម! បុរសម្នាក់ ប្រទះឃើញសត្វកង់ហ្គូរូដ៏ធំមួយក្បាល មានសាច់ដុំដូចអ្នកកីឡាកាស (មានវីដេអូ)

ខ្ញុំធ្លាប់បានធ្វើដំណើរទៅកាន់ដៃព្រែកនោះ តាំងពីតូចមកម៉្លេះ និងតែងតែបានឃើញកង់ហ្គូរូ។ យ៉ាងណាមិញ ថ្មីៗនេះខ្ញុំបានបណ្ដើរសុនខទៅទីនោះទៀត ក៏ស្រាប់តែឃើញកង់ហ្គូរូដ៏ធំមួយក្បាលកំពុងឈរនៅក្នុងទឹក។ ហើយនៅពេល ខ្ញុំដើរជុំវិញវាដើម្បីថតរូប វាក៏ចូលមកកាន់តែជិតខ្ញុំ ហើយពេលនោះខ្ញុំអាចមើលឃើញវាកាន់តែច្បាស់ថា វាពិតជាធំខ្លាំងមែនទែន។ តាមធម្មតា ខ្ញុំមិនសូវខ្លាចសត្វអ្វីប៉ុន្មានទេ ប៉ុន្ដែនៅពេលវាចាប់ផ្ដើមងើបចេញពីទឹក បេះដូងខ្ញុំចាប់ផ្ដើមលោតញាប់តែម្ដង ហើយពេលនោះខ្ញុំក៏សម្រេចចិត្ដដកថយពីរបីជំហ៊ានវិញដែរ។

កង់ហ្គូរូនោះ មើលទៅមានកម្ពស់យ៉ាងហោចណាស់ក៏២ម៉ែត្រ ឬខ្ពស់ជាងនេះដែរ ហើយមានទម្ងន់យ៉ាងតិច ១០០គឺឡូក្រាម។ តាមពិតទៅ មានកង់ហ្គូរូច្រើននៅតំបន់នេះ ប៉ុន្ដែខ្ញុំមិនដែលឃើញកង់ហ្គូរូមួយណា មានសាច់ដុំដូច្នេះពីមុនទេ។