អង់គ្លេស៖ Sir Alex Ferguson ដែលនរណាៗក៏ស្គាល់ថាជាវីរបុរសរបស់ក្លិបបិសាចក្រហម Manchester United បានចូលរួមធ្វើជាអ្នកគាំទ្រម្នាក់របស់ខ្សែការពារ Kieran Tierney ដែលបច្ចុប្បន្នកំពុងលេងឲ្យក្លិបកាំភ្លើងធំ Arsenal ស្របពេលកីឡាករវ័យ២៣ឆ្នាំរូបនេះបានបង្ហាញទម្រង់លេងដ៏លេចធ្លោនៅរដូវកាលនេះនិងបានក្លាយជាសំណព្វចិត្តរបស់អ្នកគាំទ្រកាំភ្លើងធំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកក្នុងការប្រកួតនៅក្រុមជម្រើសជាតិវិញគឺ Tierney ដែលមានសញ្ជាតិស្កុតឡែន៍ចូលលេងឲ្យក្រុមជម្រើសជាតិស្កុតឡែន៍ដោយលេងជាមួយនឹងខ្សែការពារ Andrew Robertson របស់ហង្សក្រហម Liverpool ។
Sir Alex Ferguson គិតថាខ្សែការពារទាំងពីរនាក់នេះសុទ្ធតែល្អដូចគ្នាប៉ុន្តែយ៉ាងណាមិញលោកគិតថា ទម្រង់លេងរបស់ Tierney ពិតជាគួរឲ្យចាប់អារម្មណ៍និងលេចធ្លោណាស់។
Sir Alex Ferguson បានថ្លែងប្រាប់ The Lockdown Theatre-A Team Talk with Legends ថា៖
ខ្សែការពារ Kieran Tierney បានមកចូលរួមនៅទឹកដីកីឡដ្ឋាន Emirates ដោយផ្ទេរពីក្លិប Celtic នៅ ស្កុតឡែន៍ តាំងពីខែសីហាឆ្នាំ២០១៩ ប៉ុន្តែលេងមិនបានប៉ុន្មានផងក៏ត្រូវរបួសញាំញីប៉ុន្តែពេលនេះគេត្រឡប់មករត់លើទីលានវិញដោយបានរួមចំណែកធ្វើឲ្យតំបន់ការពាររបស់ Arsenal កាន់តែរឹងមាំ។
ពេលនេះ Tierney កំពុងមានបញ្ហាទាក់ទងនឹងសាច់ដុំ ទើបមិនអាចចូលលេងក្នុងការប្រកួតទល់នឹង Crystal Palace បានប៉ុន្តែគេបានចូលលេងនៅការប្រកួតទល់នឹង Newcastle ក្នុងក្របខណ្ឌ Premier League កាលពីយប់ថ្ងៃអង្គារឈានចូលថ្ងៃពុធដែល Arsenal យកឈ្នះ Newcastle ក្នុងលទ្ធផល ៣ ទល់នឹង ០៕
ប្រភព៖ thesun