គួរឱ្យច្រណែន ដល់ហើយ! គង់ សុជាតិ និងស្វាមី រូបណាក៏ពោរពេញដោយភាពល្អូកល្អើន

កម្សាន្ត៖ ពិធិការិនីជើងចាស់ដ៏មានប្រជាប្រិយប្រចាំ ព្រះរាជាណាចក្រកម្ពុជា អ្នកនាង គង់ សុជាតិ បច្ចុប្បន្ននេះ អ្នកនាងមានគ្រួសាររួចហើយ​ ដោយបានកសាងស្ពានមេត្រីជាមួយលោក ជា វិបុល ដែលអ្នកទាំងពីរសុទ្ធសឹងតែជាកំពូលពិធីករដ៏មានថ្វីមាត់មិនចេះរីងស្ងួត និង មានទឹកដមពីរោះពិសារ ពោរពេញដោយសមត្ថភាព និង ទេពកោសល្យដ៏ប៉ិនប្រសព្វ ខណៈពេលដែរ អ្នកទាំងពីរបានភ្ជាប់សាច់ភ្ជាប់ឈាមគ្នាជាប្តីប្រពន្ធ បានរយៈពេលជាច្រើនឆ្នាំមកហើយ ។

ជាទូទៅ ជីវិតក្រោយរៀបការតែងតែមានភាពរគោះរគើរ ឬដូចពាក្យចាស់ពោលថា ចានក្នុងរាវតែងមានទង្គិច ទម្រាំមនុស្សធម្មតាប្រាកដជាមានការឈ្លោះទាស់ទែងគ្នា ជារឿងធម្មតាទៅហើយជីវិតប្តីប្រពន្ធនោះ។

ប៉ុន្តែ ក្រឡេកមើលប្តីប្រពន្ធមួយគូនេះវិញ ពិតជាមានភាពល្អូកល្អើនកាន់តែខ្លាំងឡើង ក្រោយពីបានចាប់ដៃគ្នាកសាងអនាគតជាគូជីវិតជាមួយគ្នា គួរបញ្ជាក់ផងដែរ មកទល់ពេលនេះ ពួកគេទាំងពីរបានទទួលកូនស្រីមួយរូបដ៏ស្រស់ស្អាត ដែលជាចំណងអាពាហ៍អាពិពាហ៍របស់ពួកគេនោះ។

ហើយថ្មីៗនេះ ផងដែរ មហាជនបានសង្កេតឃើញថា អ្នកទាំងបង្ហោះរូបបែបស្វីត នៅលើបណ្តាញសង្គមដូចជា Instagram និង Facebook ជាដើម នឹកឡើងធ្វើឱ្យអ្នកគាំទ្រច្រណែននឹងគូស្វាមីភរិយាទាំងពីរនេះ មែនទែនតែម្តង ព្រោះរាល់សកម្មភាពគឺតែងតែស្វីតៗខ្លាំង។

នេះក៏បានសបញ្ជាក់ពីការយល់ចិត្តយល់ថ្លើម និង ការរស់នៅប្រកបដោយសុភមង្គលរបស់គូជីវិតមួយគូនេះផងដែរ និង ក៏ជាគំរូដ៏ប្រពៃសម្រាប់ប្តីប្រពន្ធផ្សេងទៀត យកទុកជាតម្រាប់ផងដែរ៕

សូមទស្សនារូបភាពខាងក្រោម៖