អង់គ្លេស៖ ខ្សែបម្រើវ័យក្មេងរបស់ក្លិបកាំភ្លើងធំ Arsenal គឺ Emile Smith Rowe ថាគេគ្មានបញ្ហានោះឡើយបើសិនអ្នកគាំទ្រយកគេទៅប្រៀបធៀបជាមួយខ្សែបម្រើ Bruno Fernandes របស់ក្លិបបិសាចក្រហម Manchester United ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSmith Rowe បានក្លាយជាកីឡាករដ៏លេចធ្លោនៅទឹកដី Emirates ដោយបានរួមចំណែកជួយក្រុមយកឈ្នះក្លិបតោខៀវ Chelsea ក្នុងលទ្ធផល៣ទល់នឹង១កាលពីខែធ្នូកន្លងទៅនេះ ហើយបន្ទាប់ពីនោះលោកគ្រូបង្វឹក Mikel Arteta ក៏បន្តដឹកនាំក្រុមមិនឲ្យស្គាល់ពាក្យថាចាញ់ទៀតនោះឡើយដោយបានយកឈ្នះ៤ប្រកួតក្នុងក្របខណ្ឌ Premier League និងបានស្តារក្រុមឡើងវិញបណ្ដើរៗ។
កីឡាករវ័យត្រឹមតែ២០ឆ្នាំរូបនេះបានបង្កើតឱកាសឲ្យក្រុមដល់ទៅ១០ដងតាំងពីចូលលេងជាមួយក្រុម ដែលមានតែខ្សែបម្រើសញ្ជាតិព័រទុយកាល់ Bruno Fernandes ទេដែលអាចបង្កើតឱកាសបានដូច Rowe ក្នុងក្របខណ្ឌPremier League នៅកំឡុងពេលជាមួយគ្នា ហើយពេលអ្នកកាសែតនិយាយដល់ Bruno គឺ Rowe គ្មានអារម្មណ៍ទើសទាល់ទេ។
ខ្សែបម្រើសញ្ជាតិអង់គ្លេសនេះបានថ្លែងប្រាប់ Skysport ថា៖
Emile Smith Rowe នៅតែបន្តលេងបានល្អក្នុងការប្រកួតដែល Arsenal យកឈ្នះ NewCastle ៣ ទល់នឹង ០ កាលពីយប់ថ្ងៃច័ន្ទឈានចូលថ្ងៃអង្គារនៅទឹកដីកីឡដ្ឋាន Emirates ដោយបានបញ្ជូនបាល់ឲ្យ Bukayo Saka ស៊ុតបញ្ចូលទីនៅតង់ទី២ផងដែរ។
Emile Smith Rowe ,Bukayo Saka និង Kieran Tierney សុទ្ធសឹងជាកីឡាករដែលអ្នកគាំទ្រ Arsenal កំពុងពេញចិត្តជាខ្លាំងនិងសង្ឃឹមថាពួកគេអាចនឹងជួយយឺតយោងក្រុមឲ្យបន្តធ្វើបានល្អជារឿយៗ៕
ប្រភព៖ metro