អេស្ប៉ាញ៖ ក្លិបអធិរាជស Real Madrid បានចុះកិច្ចព្រមព្រៀងផ្ទេរយកខ្សែការពារសញ្ជាតិអូទ្រីស David Alaba រួចរាល់ហើយដែលគេនឹងក្លាយជាកីឡាករដំបូងបង្អស់ដែលក្លិបចរចាទិញយកមកលេងឲ្យក្រុមនៅរដូវកាលក្រោយខណៈដែលកុងត្រារបស់ Alaba ជាមួយ Bayern Munich នឹងផុតនៅថ្ងៃទី៣០ខែមិថុនានេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការរាយការណ៍ពីការិយាល័យរបស់ក្លិប Real Madrid នៅ Valdebebas គឺកុងត្រារបស់ Alaba ជាមួយក្លិបម្ចាស់ពាន UCL ១៣សម័យនេះមានសុពុលភាពរហូតដល់៤រដូវកាល ដោយទទួលបានប្រាក់ដល់ទៅ១១លានអឺរ៉ូ (ឬស្មើនឹងប្រមាណ១៣.២លានដុល្លារ) ក្នុងមួយឆ្នាំឯណោះ។
កីឡាករវ័យ២៨ឆ្នាំរូបនេះអាចបើកការចរចាជាមួយក្លិបណាក៏បានដែលចង់ទាក់ទងយករូបគេតាំងពីដើមខែមករាមកម៉្លេះទើប Real Madrid មិនបង្អង់យូរ ប្រញាប់ប្រញាល់ពិភាក្សាគ្នាដើម្បីបញ្ចុះបញ្ចូលឲ្យ Alaba ផ្ទេរមកកាន់ទឹកដីកីឡដ្ឋាន Santiago Bernabeu កាន់តែឆាប់កាន់តែល្អហើយខ្សែការពារម្នាក់នេះបានចូលខ្លួនធ្វើតេស្តសុខភាពឲ្យក្លិបរួចរាល់អស់ហើយ។
ក្រៅពី Real Madrid ក្លិបយក្សធំៗជាច្រើននៅអឺរ៉ុបដូចជា Manchester City, Paris Saint-Germain ,Liverpool ក៏ដូចជា Chelsea សុទ្ធតែតាមយក Alaba ប៉ុន្តែរូបគេបានបង្ហើបថាចង់ទៅលេងនៅក្របខណ្ឌ La Liga ជាង។
គួរបញ្ជាក់ផងដែរថាកន្លងមក ក្លិបយក្សអាល្លឺម៉ង់ Bayern Munich ព្យាយាមដាក់សំណើចងជើង Alaba បីដងក្នុងរយៈពេលពីរបីខែមកនេះប៉ុន្តែលោកប្រធានក្លិប Karl-Heinz Rummenigge បានចេញមុខនិយាយដោយផ្ទាល់ថាការចរចាបរាជ័យហើយក្លិបនឹងគ្មានផែនការបញ្ចុះបញ្ចូលគេឲ្យស្នាក់នៅទឹកដី Allianz Arena ទៀតនោះឡើយ៕
ប្រភព៖ marca