សេអ៊ូល : ក្រុមចម្រៀងនារីកូរ៉េខាងត្បូង After School នឹងធ្វើការប្រគំតន្ត្រី MTV EXIT ជាមួយក្រុមតារាចម្រៀងបុរសមកពីអាមេរិកឈ្មោះថា Click Five នៅស្តាតអូឡាំពិក នាថ្ងៃទី១៧ ខែធ្នូ ឆ្នាំ២០១១ ខាងមុខនេះ។
ក្រុមចម្រៀង After School របស់ផលិតកម្ម Pledis Entertainment ត្រូវបានបង្កើតឡើងក្នុងឆ្នាំ២០០៩ ដោយមានការផ្លាស់ប្ដូរសមាជិកចុះឡើង បីដូចជាសិស្សដែលរៀនចប់ ហើយត្រូវចាកចេញពីសាលារៀន រីឯសិស្សថ្មីត្រូវចុះឈ្មោះចូលរៀនដូច្នោះដែរ។
ក្រុមចម្រៀងមួយនេះដើមឡើយមានសមាជិកនារី៨នាក់។ ពួកនាងចាប់ផ្ដើមល្បីខ្លាំងនៅឆ្នាំ២០០៩ ជាមួយនឹងបទ AH! និងបទ Because of You ដែលធ្វើឲ្យកក្រើកប្រទេសជាច្រើននៅអាស៊ី និងធ្វើឲ្យពួកនាងទទួលបានពានរង្វាន់ជាច្រើន។ រហូតដល់ឆ្នាំ២០១១នេះ After School ដែលកើនសមាជិកដល់៩នាក់ ក៏បានចេញបទចម្រៀងថ្មីៗជាច្រើនទៀតដូចជាបទ Diva បទ Bang និងបទ Shampoo ដែលអមដោយចង្វាក់រាំគោះជើងដ៏ប្លែកភ្នែកផងដែរ។
នៅឆ្នាំដដែលនេះក្រុម After School ក៏បានបែងចែកសមាជិករបស់ខ្លួនជាបីក្រុមគឺក្រុមក្រហម ខៀវ និង Orange Caramel ដែលសមាជិកម្នាក់ៗសុទ្ធតែសកម្មនឹងការងារមនុស្សធម៌៕
ដកស្រង់ពីគេហទំព័រភ្នំពេញប៉ុស្តិ៍
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]