អង់គ្លេស៖ កាលពីយប់ថ្ងៃអាទិត្យឈានចូលថ្ងៃច័ន្ទកន្លងទៅនេះ ក្លិបបិសាចក្រហម Manchester United ចែកគ្នាម្នាក់១ពិន្ទុជាមួយហង្សក្រហម Liverpool បន្ទាប់ពីប្រកួតត្រឹមស្មើគ្នា ០ ទល់នឹង ០ កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងនោះដែរលោកគ្រូបង្វឹកសញ្ជាតិន័រវេស Ole Gunnar Solskjaer បានថ្លែងកោតសរសើរដល់កីឡាករខ្សែការពាររបស់ Liverpool ២រូបដែលបានចាប់ដៃគ្នារារាំងកីឡាកររបស់ក្រុមលោកគ្រូគឺខ្សែបម្រើ Fabinho និងប្រធានក្រុម Jordan Henderson ដែលអ្នកទាំងពីរត្រូវលោកគ្រូ Jurgen Klopp រុញមកដាក់ឲ្យលេងនៅតំបន់បម្រើការពារវិញព្រោះក្រុមកំពុងមានបញ្ហាកង្វះខាតខ្សែការពារស្រាប់។
ក្រុមបិសាច Man UTD បានធ្វើការវាយបកទៅ Liverpool ពីរបីដងដែរដែលសុទ្ធសឹងតែធ្វើឲ្យអ្នកទស្សនាបុកពោះប៉ុន្តែខាងម្ចាស់ផ្ទះ Liverpool ឯណោះវិញក៏រារាំងបានល្អណាស់ដែរ បើទោះបីជាពួកគេធ្លាប់ភ្លាត់២ដងឲ្យ Man UTD សម្រុកស៊ុតបានតែបាល់ត្រូវប៉ះដៃអ្នកចាំទី Alisson Becker វិញ។
លោកគ្រូ Ole Gunnar Solskjaer ដែលឈរសង្កេតការប្រកួតពីម្ខាងនៃវាលស្មៅបានឃើញពីកំផែងដ៏រឹងមាំរបស់ Liverpool ទើបឆ្លៀតពេលនោះកោតសរសើរខ្សែបម្រើ២នាក់គឺ Fabinho និង Jordan Henderson ដោយលោកគ្រូបានថ្លែងថា៖
ការប្រកួតនេះពិតជាសុក្រិតណាស់ ខ្ញុំសង្កេតឃើញថាខ្សែបម្រើ២នាក់នៅកណ្ដាលនោះនិងខ្សែការពាររបស់ពួកគេពិតជាខ្លាំងពិតមែន។
ខណៈនោះដែរលោកគ្រូបង្វឹក Jurgen Klopp ក៏បានសរសើរកីឡាករទាំងពីរនាក់ដែលឡើងមកជួយខាងតំបន់ការពារផងដែរថា៖
ពិតណាស់ ពួកគេ(Fabinho និង Henderson)ធ្វើបានល្អណាស់ ការពិតទៅពួកយើងលេងបានល្អនៅតង់ទី១ ហើយកីឡាករយើងពិតជាចេះបត់បែនតាមកាលៈទេសៈ ដោយសារមានខ្សែបម្រើទាំង២ជួយមើលខុសត្រូវនៅតំបន់ការពារ។ខ្ញុំពិតជាសប្បាយចិត្តទៅលើទម្រង់លេងរបស់កីឡាករយើង ពួកយើងពិតជាធ្វើបានល្អណាស់ និងសក្តិសមនឹងឈ្នះតែពួកយើងមិនឈ្នះដោយសាររកគ្រាប់បាល់មិនបាន។
ប្រភព៖ metro
Bong I.T