ញាក់សាច់! បងប្អូនបង្កើត១២នាក់ បង្កើតឯតទគ្គកម្មពិភពលោក ដោយការបូកអាយុចូលគ្នាបានខ្ពស់ជាងគេ រហូតដល់ ១០៤២ឆ្នាំ

បរទេស៖ នាពេលថ្មីៗនេះ បងប្អូនបង្កើតនៃត្រកូលឈ្មោះ D’Cruz ដែលមានអាយុចន្លោះចាប់ពី៧៥ឆ្នាំ ដល់៩៧ឆ្នាំ បានបង្កើតឯតទគ្គកម្មពិភពលោកហ្គីនណេស (Guinness World Record) សម្រាប់ការបូកអាយុចូលគ្នាបានច្រើនបំផុត រហូតដល់ជាង ១០០០ឆ្នាំឯណោះ។

បើតាមប្រភពព័ត៌មានបរទេសបានឲ្យដឹងថា គំនិតនៃការបង្កើតឯតទគ្គកម្មពិភពលោកនេះ ត្រូវបានបំផុសឡើងដំបូងដោយសមាជិកម្នាក់ ក្នុងចំណោមបងប្អូនត្រកូល D’Cruz អំឡុងពេលពួកគេជួបជុំគ្នាក្នុងឆ្នាំ២០១៨។ ពេលនោះ អ្នកស្រី Genia វ័យ៧៥ឆ្នាំ ដែលជាកូនពៅនៃសមាជិកទាំង ១២នាក់ បាននិយាយទៅកាន់ក្មួយប្រុសរបស់គាត់ថា វានឹងក្លាយជារឿងអស្ចារ្យ ប្រសិនបើបងប្អូនរបស់គាត់ទាំងអស់បូកអាយុចូលគ្នា​ ដើម្បីបង្កើតឯតទគ្គកម្មពិភពលោក។ តែផ្ទុយទៅវិញ ពួកគេបាននាំគ្នាសើចដោយគិតថាវាគឺជារឿងគួរឲ្យអស់សំណើចមួយ។

យ៉ាងណាមិញ ២ឆ្នាំក្រោយមក នៅថ្ងៃទី១៥ ខែធ្នូ ឆ្នាំ២០២០ កំណត់ត្រាពិភពលោកហ្គីនណេស បានឱ្យបងប្អូនបង្កើតទាំងនោះដឹងថា ពួកគេបានក្លាយជាបងប្អូនបង្កើត ដែលមានអាយុបូកបញ្ជូលគ្នាបានច្រើនជាងគេបំផុតនៅលើពិភពលោក ដោយមានចំនួន ១០៤២ឆ្នាំ និង ៣១៥ថ្ងៃ (គិតត្រឹមថ្ងៃទី១៥ ខែធ្នូ ឆ្នាំ២០២០)។

ជុំវិញដំណឹងដ៏រំភើបនេះ អ្នកស្រី Genia បាននិយាយយ៉ាងដូច្នេះថា៖

គួរឲ្យដឹងថា ក្នុងចំណោមបងប្អូនទាំង១២នាក់ បងគេបង្អស់កើតនៅឆ្នាំ១៩២៣ និងប្អូនពៅកើតនៅឆ្នាំ១៩៤៥ ។ ពួកគេទាំងអស់បានកើតនៅលើទីក្រុង Karachi ប្រទេសប៉ាគីស្ថាន ប៉ុន្ដែប៉ុន្មានឆ្នាំកន្លងមកនេះ ពួកគេបានរស់នៅបែកគ្នា ដោយអ្នកខ្លះរស់នៅក្នុងប្រទេសកាណាដា អាមេរិក និងស្វីសជាដើម។

ទោះជាយ៉ាងណាក្ដី ពួកគេបានព្យាយាមរក្សាភាពស្និទ្ធស្នាលតាមតែអាចធ្វើទៅបាន ដែលយ៉ាងហោចណាស់ ក៏ជួបជុំគ្នាបីដងក្នុងមួយឆ្នាំដែរ នៅថ្ងៃឈប់សម្រាកសំខាន់ៗ។ ដោយឡែក សម្រាប់ឆ្នាំ ២០២០កន្លងទៅនេះ ដោយសារតែបញ្ហាកូវីដ-១៩ ពួកគាត់ក៏បានប្ដូរមកប្រើប្រាស់កម្មវិធី Zoom វិញផងដែរ៕