មុនប៉ះគ្នា លោកគ្រូ Klopp សរសើរកីឡាករម្នាក់របស់ Man UTD មិនដាច់ពីមាត់

អង់គ្លេស៖ មុនការប្រកួតធំប៉ះក្រុមកំពូលតារាង Man UTD នៅថ្ងៃអាទិត្យនេះ លោកគ្រូបង្វឹក Jurgen Klopp របស់ក្រុមហង្សក្រហម Liverpool បានសរសើរថា ខ្សែបម្រើ Bruno Fernandes ពិតជាកីឡាករដ៏ពូកែនិងលេចធ្លោមួយរូបថែមទាំងទទួលស្គាល់ទៀតថាគេនេះហើយជាអ្នកបានផ្លាស់ប្ដូរស្ថានភាពក្នុងក្រុមបិសាចក្រហម Manchester United ។

កីឡាករវ័យ២៦ឆ្នាំរូបនេះបានស៊ុតបញ្ចូលទីចំនួន២៧គ្រាប់ក្នុងការបង្ហាញខ្លួនសរុប៤៥ប្រកួតតាំងពីរូបគេផ្ទេរពីក្លិប Sporting Lisbon មកចូលរួមជាមួយ Man UTD នៅទឹកដី Old Trafford តាំងពីខែមករាឆ្នាំមុន។

Bruno Fernandes បានក្លាយទៅជាកីឡាករស្នូលមួយដ៏សំខាន់ដែល Man UTD ខ្វះមិនបានដោយគេតែងតែព្យាយាមជួយកែប្រែកំហុសរបស់មិត្តរួមក្រុមព្រមទាំងខិតខំស្ពាយក្រុមមួយនេះឡើងមកកាន់កំពូលតារាងថែមទៀតផង។

លោកគ្រូ Klopp ដែលជាគ្រូបង្វឹកក្រុមម្ចាស់ពាន Premier League រដូវកាលមុនក៏ជាមនុស្សម្នាក់ក្នុងចំណោមមនុស្សជាច្រើននាក់ទៀតដែលមើលឃើញសមត្ថភាពរបស់ Bruno ហើយលោកគ្រូបានបង្ហើបថាលោកគ្រូធ្លាប់ជួបខ្សែបម្រើសញ្ជាតិព័រទុយកាល់ម្នាក់នេះតាំងពីគេលេងនៅ Sporting Lisbon មកម៉្លេះ។

លោកគ្រូបានបង្ហើបក្នុងសន្និសីទមុនការប្រកួតថា៖

លោកគ្រូ Klopp បានបន្តទៀតថា៖

គួរបញ្ជាក់ផងដែរថាតាំងពីធ្លាក់ចេញពី Champions League មក ភាគីរបស់បិសាចក្រហម Manchester United ទើបតែចាញ់តែ១ប្រកួតប៉ុណ្ណោះ ហើយកាលពីថ្ងៃអង្គារឈានចូលថ្ងៃពុធកន្លងទៅនេះ ក្លិបក៏បានយកឈ្នះ Burnley ១ ទល់នឹង ០ និងបានឡើងមកកាន់កាប់កំពូលតារាងខណៈ Liverpool ធ្វើមិនសូវបានល្អទេក្នុង៣ប្រកួតចុងក្រោយនេះនិងកំពុងមានបញ្ហានៅតំបន់ការពារផងដែរ៕

ប្រភព៖ metro