អ៊ីតាលី៖ យោងតាមសេចក្ដីរាយការណ៍បានឲ្យដឹងថា ខ្សែប្រយុទ្ធឆ្នើម Cristiano Ronaldo អាចនឹងមានឱកាសបានជួបជុំគ្នាជាមួយមិត្តសម្លាញ់ចាស់កាលលេងនៅក្លិបអធិរាជស Real Madrid នោះគឺខ្សែការពារ Sergio Ramos ដោយ Ronaldo បានទទូចសុំឲ្យក្លិបសេះបង្កង់ Juventus ទិញយក Ramos មកកាន់ទឹកដី Allianz Stadium ក្រោយកុងត្រារបស់កីឡាករវ័យ៣៤ឆ្នាំរូបនេះជិតនឹងផុតជាមួយ Real Madrid ហើយគឺនៅខែមិថុនាឆ្នាំ២០២១នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាំងពីដើមឆ្នាំ២០២១មក មានពាក្យចចាមអារ៉ាមថា Ramos ប្រាប់ទៅលោកប្រធានក្លិប Real Madrid គឺ Florentino Perez ថារូបគេមិនបន្តកុងត្រាថ្មីជាមួយក្លិបទេនិងចង់ស្វែងរកទ្រនំថ្មីខណៈក្លិបសេដ្ឋីបារាំង Paris Saint-Germain ,Liverpool និង Manchester United ក៏ចង់បានរូបគេណាស់ដែរ។
Real Madrid ឯណោះវិញខិតខំស្នើកុងត្រាល្អៗដល់ប្រធានក្រុមរូបនេះប៉ុន្តែ Ramos ហាក់មិនសូវពេញចិត្តនឹងសំណើនោះឡើយ។
ស្រាប់តែពេលនេះ Cristiano Ronaldo បានចេញមុខស្នើទៅថ្នាក់ដឹកនាំរបស់ក្លិប Juventus ឲ្យចុះកិច្ចព្រមព្រៀងទិញយក Ramos មករួមក្រុមនៅទឹកដីទីក្រុង Turin ដើម្បីយកមកពង្រឹងតំបន់ការពាររបស់ក្រុមព្រោះរូបគេដឹងច្បាស់ពីតិចនិកនៃការលេងព្រមទាំងសមត្ថភាពរបស់ប្រធានក្រុមសញ្ជាតិអេស្ប៉ាញនេះច្បាស់ណាស់ នេះបើយោងតាមកាសែតរបស់អេស្ប៉ាញ Sport។
យ៉ាងណាមិញគេមិនរំពឹងទុកទេថា Real Madrid នឹងលក់ Sergio Ramos ក្នុងតម្លៃទាបទេព្រោះខ្សែការពារម្នាក់នេះស្នាក់នៅជាមួយក្លិបយូរមកហើយគឺតាំងពីឆ្នាំ២០០៥មកម៉្លេះនិងបានក្លាយជាកីឡាករស្នូលមួយដែលប្រៀបដូចវីរបុរសរបស់ក្លិប ៕
ប្រភព៖ kickoff