អេស្ប៉ាញ៖ កាលពីយប់ថ្ងៃព្រហស្បតិ៍ឈានចូលថ្ងៃសុក្រកន្លងទៅនេះ ក្លិបអធិរាជស Real Madrid ត្រូវប្រកួតជាមួយក្រុម Athletic Bilbao ក្នុងពានរង្វាន់ Spanish Super Cup ឬ SuperCopa de Espana ដែលការប្រកួតធ្វើឡើងនៅកីឡដ្ឋាន La Rosaleda ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតពេញ៩០នាទីបញ្ចប់ទៅក្រោមលទ្ធផលគួរឲ្យភ្ញាក់ផ្អើលគឺក្លិប Real Madrid ដែលជាម្ចាស់ជើងឯក UCL ដល់ទៅ១៣សម័យបានភ្លាត់ចាញ់ Athletic Bilbao ១ ទល់នឹង ២ ។
ខាង Bilbao ជាអ្នកបើកឆាករកគ្រាប់បាល់មុនដោយនៅនាទីទី១៨ ខ្សែបម្រើសញ្ជាតិអេស្ប៉ាញ Raul Garcia បានស៊ុតមួយជើងស្តាំកាត់មុខអ្នកចាំទី Thibaut Courtois ដែលស្ទុះមកហក់សង្គ្រោះបាល់មិនទាន់ទើប Athletic Bilbao នាំមុខ ១ ទល់នឹង ០ ដែលគ្រាប់បាល់នេះគឺមិត្តរួមក្រុម Dani Garcia ជាអ្នកបញ្ជូនឲ្យ។
នៅនាទីទី៣៨ ខ្សែបម្រើ Lucas Vazquez បង្កកំហុសដោយព្យាយាមប្រទាញប្រទង់ដណ្ដើមបាល់ជាមួយនឹងកីឡាករម្នាក់របស់ Bilbao ទើបលោកអាជ្ញាកណ្ដាលប្រកាសផ្ដល់បាល់ប៉េណាល់ទីទៅខាង Bilbao។
ក្នុងនោះដែរខ្សែបម្រើ Raul Garcia ដែលទើបស៊ុតបាន១គ្រាប់អម្បាញ់មិញទទួលបន្ទុកជាអ្នកស៊ុត។ គេដាក់មួយជើងស្តាំដោយមានគ្នីគ្នាចាំឈរមើល និងស៊ុតបានសម្រេចព្រោះអ្នកចាំទី Thibaut Courtois ហក់ចាប់មិនបាន។
លទ្ធផល០ ទល់នឹង ២ នេះបានធ្វើឲ្យ Real Madrid ក្រពុលមុខនិងព្យាយាមលេងសម្រុកទៅខាង Bilbao នៅតង់ទី២ ស្រាប់តែនៅនាទីទី ៧៣ នៅពេលខ្សែបម្រើ Casemiro មានឱកាសបានលេងនៅជិតតំបន់គ្រោះថ្នាក់មុខប្រអប់ទី របស់ខាង Bilbao ទើបគេបញ្ជូនបាល់ខ្លីឲ្យ ខ្សែប្រយុទ្ធសញ្ជាតិបារាំង Karim Benzema ទើបរូបគេស៊ុតមួយជើងទម្លុះសំណាញ់អ្នកចាំទី Simon បានសម្រេច។
Real Madrid ព្យាយាមលេងសម្រុកទៅមុខព្រោះចង់ឡើងទៅជួប Barcelona នៅវគ្គផ្ដាច់ព្រ័ត្រប៉ុន្តែក្រោយលោកអាជ្ញាកណ្ដាលផ្លុំកញ្ចែបញ្ចប់ការប្រកួតជាផ្លូវការ កីឡាករទាំងអស់ក៏មានភាពតក់ស្លុតជាខ្លាំងព្រោះមិននឹកស្មានថាចាញ់ការប្រកួតបែបនេះ។
បរាជ័យរបស់ Real Madrid ធ្វើឲ្យក្លិបបញ្ចប់កំណត់ត្រាលេង៩ប្រកួតមិនដែលចាញ់នៅរដូវកាលនេះ ហើយ Athletic Bilbao ជាក្រុមដែលបានឡើងទៅវគ្គផ្ដាច់ព្រ័តពាន Spanish Super Cup ។
ចំពោះស្ថិតិនៃការប្រកួតគឺ Real Madrid គ្រប់គ្រងបាល់បានដល់ទៅ៧១% ខណៈក្រុម Athletic Bilbao បានតែ២១% ចំណែកការស៊ុតចំគោលដៅវិញគឺ Real Madrid ស៊ុតបាន៦ដងលើស Bilbao ២ដង។
គួរបញ្ជាក់ផងដែរ Athletic Bilbao នឹងឡើងទៅប្រកួតជាមួយក្លិបអ្នកមានបុណ្យ Barcelona ក្នុងវគ្គផ្ដាច់ព្រ័ត្រពាន Spanish Super Cup នេះនៅថ្ងៃអាទិត្យឈានចូលថ្ងៃច័ន្ទវេលាម៉ោង៣ទាបភ្លឺ(ម៉ោងនៅកម្ពុជា)៕
សូមទស្សនាវីដេអូនៃការប្រកួតខាងក្រោមនេះ៖
ប្រភព៖ goal