អេស្ប៉ាញ៖ ក្លិបអធិរាជស Real Madrid កំពុងរកទីផ្សារសម្រាប់លក់កីឡាករក្នុងស្ដុកទាំង៦នាក់របស់ខ្លួនដើម្បីយកប្រាក់នោះមកទិញខ្សែប្រយុទ្ធសញ្ជាតិបារាំង Kylian Mbappe ដែលបច្ចុប្បន្នកំពុងលេងនៅក្លិប Paris Saint-Germain ដែលយោងតាមសេចក្ដីរាយការណ៍គឺ តម្លៃផ្ដាច់កុងត្រារបស់គេមានដល់ទៅ ១៣៥លានផោន(ស្មើនឹងប្រមាណ១៨៣.៤លានដុល្លារ)ឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារការផ្ទុះឡើងនៃជំងឺកូវីដ១៩ ក្លិបបាល់ទាត់នៅអឺរ៉ុបធំៗកំពុងប្រឈមនឹងវិបត្តិហិរញ្ញវត្ថុដែលក្នុងនោះក៏មាន Real Madrid ដែរទើបក្លិបត្រូវការជម្រុះកីឡាករចេញពីក្រុមខ្លះដើម្បីយកលុយទិញ Mbappe ។ យោងតាមរបាយការណ៍របស់កាសែត AS គឺកីឡាករទាំង៦នាក់ដែល Real Madrid គ្រោងនឹងលក់ចេញគឺ ខ្សែប្រយុទ្ធ Gareth Bale(ខ្ចីជើងនៅ Spurs) ,ខ្សែបម្រើ Isco Alarcon, ខ្សែបម្រើ Dani Cabellos (ខ្ចីជើងនៅ Arsenal), ខ្សែប្រយុទ្ធ Luka Jovic, ខ្សែការពារ Marcelo និង ខ្សែប្រយុទ្ធ Brahim Diaz (ខ្ចីជើងនៅ AC Milan) ដែលក្លិបគិតថានឹងទទួលបានលុយខ្ទង់ពី ៩០លានផោន(ស្មើនឹងប្រមាណ១២២.២លានដុល្លារ) ដល់ ១៣៥ លានផោន(ស្មើនឹងប្រមាណ ១៨៣.៤លានដុល្លារ)។
កុងត្រារបស់ Kylian Mbappe នៅទឹកដីកីឡដ្ឋាន Parc des Princes នឹងផុតនៅឆ្នាំ២០២២ឯណោះហើយមកទល់ពេលនេះមិនទាន់មានការប្រកាសផ្លូវការណាមួយថាខ្សែប្រយុទ្ធវ័យក្មេងរូបនេះបានបន្តកុងត្រាជាមួយក្លិបឡើយ។
Real Madrid គ្រោងនឹងបើកការចរចាជាមួយ PSG ក្នុងការទិញយក Mbappe នៅកំលុងខែមិថុនាឆ្នាំនេះ ដោយចង់ផ្ដល់តម្លៃផ្ដាច់កុងត្រាទាំង ១៣៥លានផោន ប៉ុន្តែយ៉ាងណាមិញក្លិបម្ចាស់ពាន UCL ១៣សម័យនេះបានត្រៀមខ្លួនរួចរាល់ហើយបើសិន PSG ទាមទារតម្លៃខ្ពស់ជាងនោះ។
បើសិន Mbappe មកចូលរួមជាមួយ Real Madrid មែន ក្លិបប្រាកដចិត្តថាអាចផ្ដល់ប្រាក់ខែដល់គេបានដោយគ្មានបញ្ហាណាមួយឡើយ ខណៈដែលប្រាក់ឈ្នួលប្រចាំសប្តាហ៍របស់គេនៅ PSG មានដល់ទៅ ៣៨០០០០ ផោន(ស្មើនឹងប្រមាណ៥១៦០០ដុល្លារ)ឯណោះ។
Real Madrid សង្ឃឹមខ្ពស់ថាកីឡាករល្អៗដូច Bale,Jovic និង Isco អាចធ្វើឲ្យក្លិបបន្ធូរបន្ថយការចំណាយបានខ្លះព្រោះប្រាក់ឈ្នួលរបស់ Bale ជាមួយ Real Madrid មានដល់ទៅ ៦៥០០០០ផោន(ស្មើនឹងប្រមាណ៨៨៣០០០ដុល្លារ) ,Jovic រកបាន ១៧៥០០០ ផោន(ស្មើនឹងប្រមាណ២៣៧០០០ដុល្លារ)ឯ Isco បាន ១២៣០០០ផោន(ស្មើនឹងប្រមាណ១៦៧០០០ដុល្លារ)។
គួរបញ្ជាក់ផងដែរថា ក្រៅពី Mbappe ក្លិប Real Madrid ក៏ចង់ផ្ទេរយកខ្សែការពារសញ្ជាតិអូទ្រីស David Alaba ផងដែរប៉ុន្តែមិនទាន់មានការព្រមព្រៀងជាផ្លូវការណាមួយឡើយ៕
ប្រភព៖ thesun