កូរ៉េខាងជើង៖ យោងតាមប្រព័ន្ធផ្សព្វផ្សាយរដ្ឋ KCNA នៅថ្ងៃច័ន្ទនេះ បានប្រាប់ឱ្យដឹងថា មេដឹកនាំកូរ៉េខាងជើងលោក គីម ជុងអ៊ុន ត្រូវបានជាប់ឆ្នោតជាអគ្គលេខាធិការនៃគណបក្សពលករ ដោយបន្តតំណែងពីឪពុករបស់លោក ក្នុងគោលបំណងពង្រឹងអំណាចរបស់ខ្លួនបន្ថែមទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការបោះឆ្នោតជ្រើសតាំងខាងលើនេះ បានធ្វើឡើងកាលពីថ្ងៃអាទិត្យកន្លងទៅ ក្នុងសមាជបក្សកាន់អំណាចនៃគណបក្សពលករ ដែលត្រូវបានរៀបចំឡើងសម្រាប់លោក គីម ក្នុងការចេញផែនការលើផ្នែកការទូត យោធា និងសេដ្ឋកិច្ចរបស់លោកក្នុងរយៈពេល ៥ឆ្នាំខាងមុខ។
គួរជម្រាបដែរថា បច្ចុប្បន្ននេះ លោក គីម បានកាន់កាប់អំណាចផ្តាច់មុខសឹងតែម្នាក់ឯងក្នុងការគ្រប់គ្រងប្រទេសកូរ៉េខាងជើង ចាប់តាំងពីលោកឡើងកាន់អំណាច បន្ទាប់ពីឪពុករបស់លោកទទួលមរណភាពក្នុងឆ្នាំ ២០១១៕