រ៉ូម៖ កាលពីថ្ងៃសុក្រម្សិលមិញនេះ ហេតុការណ៍ស្រុតដីក្នុងចំណតរថយន្តមន្ទីរពេទ្យមួយ ស្ថិតនៅភាគខាងត្បូងប្រទេសអ៊ីតាលី បានលេបត្របាក់រថយន្តជាច្រើនគ្រឿង ហើយព្រមទាំងបង្ខំឱ្យមានការជម្លៀសអ្នកជំងឺកូវីដ១៩ ចាកចេញពីបន្ទប់ព្យាបាលផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមមន្ទីរពេទ្យ Ospedale del Mare ក្នុងទីក្រុង Naples បានឱ្យដឹងថា ឧប្បត្តិហេតុខាងលើនេះ បានកើតឡើងនៅវេលាម៉ោង ៦ និង ៣០ នាទីព្រឹក (ម៉ោងក្នុងស្រុក)។ កងកម្លាំងពន្លត់អគ្គិភ័យបានបន្ថែមថា រថយន្តជាច្រើនគ្រឿងដែលចតនៅតំបន់នោះបានធ្លាក់ចូលទៅក្នុងរណ្តៅ ប៉ុន្តែសំណាងល្អគ្មានអ្នករងរបួសពីហេតុការណ៍ស្រុតដីខាងលើនេះទេ។
ប៉ូលិសក្នុងទីក្រុង Naples បានប្រាប់ឱ្យដឹងថា ឧប្បត្តិហេតុខាងលើនេះ អាចបណ្ដាលមកពីការជ្រៀតចូលនៃទឹក ដែលធ្វើឱ្យដីទន់ ព្រោះរយៈពេល ២សប្តាហ៍ចុងក្រោយនេះមានភ្លៀងធ្លាក់យ៉ាងខ្លាំង។
គួរជម្រាបដែរថា មន្ទីរពេទ្យ Ospedale del Mare គឺជាកន្លែងដែលជិតបំផុត ដើម្បីពិនិត្យអ្នកជំងឺកូវីដ១៩ ដោយសារអាជ្ញាធរយកកន្លែងចតឡានរបស់មន្ទីរពេទ្យខាងលើនេះសាងសង់ទូកុងតេន័រ សម្រាប់ធ្វើជាកន្លែងត្រួតពិនិត្យ និងព្យាបាលអ្នកជំងឺកូវីដ១៩៕