ភិន សុដាលីស បង្ហាញអារម្មណ៍ស្រលាញ់ គាំទ្រ និងលើកទឹកចិត្តកូនស្រី ទោះបីស្ថិតក្នុងកាលៈទេសៈបែបណាក៏ដោយ

ភ្នំពេញ៖ អតីតភរិយាពិធីករ ប៉ែន ចំរុង អ្នកនាង ភិន សុដាលីស គឺជាអ្នកម្តាយវ័យក្មេងមួយរូបដែលកំពុងតែរីករាយជាមួយជីវិតការងារ និងជីវិតក្រុមគ្រួសារជាមួយកូនស្រីតែមួយគត់ស្រលាញ់ស្មើជីវិត។

ត្បិតអីជាកូនរបស់ម្ចាស់ផលិតកម្មភាពយន្តក៏ពិតមែន ប៉ុន្តែប្រិយមិត្តប្រហែលដឹងរួចមកហើយថាអ្នកនាងតែងតែចូលប្រឡូកជាមួយការងារសិល្បៈបើទោះបីជាការថតភាពយន្ត សម្តែង ឬ ថតស្ប៉តពាណិជកម្មក៏ដោយ។

យ៉ាងណាមិញបើក្រឡេកទៅមើលជីវិតគ្រួសារវិញ អ្នកមេម៉ាយវ័យក្មេងរូបនេះហាក់មិនខ្វាយខ្វល់ពីការមានគ្រួសារសារជាថ្មីឡើយ ប៉ុន្តែអ្នកនាងបែរជារីករាយជាមួយកូនស្រីទៅវិញ ហើយជារឿយៗតែងតែបង្ហោះនូវរូបថតជាមួយកូនស្រីយ៉ាងមានសេចក្តីសុខឥតឧបមា។

ក្នុងនោះផងដែរអ្នកនាង ភិន សុដាលីស ក៏បានបង្ហាញពីអារម្មណ៍ស្រលាញ់ គាំទ្រ និងលើកទឹកចិត្តកូនស្រីក្នុងនាមជាម្តាយថា “កូនឈានទៅមុខ បើកូនដួលកូនងើបឡើង រួចដើរទៅមុខទៀត។ ម៉ែនៅពីក្រោយ ចាំមើលកូន ចាំជួយកូនជានិច្ច។ សូមកូនចាំថា ឧបសគ្គជាភ្ញៀវប្រចាំជីវិត កូនទៅណាក៏គេចមិនផុតដែរ ត្រូវរៀនទទួលដោះស្រាយវាដោយស្មារតីស្វាហាប់ កុំខ្លាច កុំគេចពីវាអី... ត្រូវរស់នៅដោយសុខ មិនច្រណែនឈ្នានីសទើបជីវិតមានន័យ”៕

សូមទស្សនារូបភាពខាងក្រោមនេះ៖