កាលពីសប្តាហ៍មុន គេឃើញមានវត្តមានរបស់បេក្ខភាពរបស់ Miss Universe Cambodia ៣ ជំនាន់បានចូលរួមក្នុងកម្មវិធី 3Fun ដែលជាកម្មវិធីមួយដែលកំពុងមានភាពពេញនិយមគួរសម។ បេក្ខភាព MUC ទាំង ៣នាក់នោះមានដូចជាកញ្ញា រឿន ណាត ដែលបានតំណាងអោយកម្ពុជាចូលរួមប្រកួតក្នុងកម្មវិធី Miss Universe 2018 នៅឯប្រទេសថៃ។ ម្នាក់ទៀតគឺកញ្ញា សំណាង អេលីណា ដែលតំណាងអោយកម្ពុជាចូលរួមប្រកួតក្នុងកម្មវីធី Miss Universe 2019 នៅឯសហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយបេក្ខភាពម្នាក់ទៀតគឺកញ្ញា រ៉េត សារីតា ដែលកំពុងត្រៀមខ្លួនតំណាងអោយកម្ពុជាចូលរួមប្រកួតក្នុងកម្មវិធី Miss Universe 2020 ។ ដោយព្រោះតែការរីករាលដាលនៃជំងឺកូវីដ១៩ ទើបកម្មវិធី Miss Universe 2020 ត្រូវពន្យារពេលទៅឆ្នាំ2021វិញ។
យ៉ាងណាមិញ នៅក្នុងកម្មវិធី 3Fun កាលពីសប្តាហ៍មុន ស្រីស្អាតកម្ពុជាទាំងបីរូបបានចែករំលែកបទពិសោធន៍របស់ខ្លួន នៅក្នុងកម្មវិធី Miss Universe ដែលខ្លួនបានចូលរួមប្រកួតកន្លងទៅ។ កញ្ញា រឿន ណាត និងកញ្ញា សំណាង អេលីណា ដែលបានទៅប្រកួតរួចហើយ និងជារៀមច្បងផងនោះ បានចែករំលែកគំនិត យោបល់ និងបទពិសោធន៍របស់ខ្លួនដល់កញ្ញា រ៉េត សារីតា ដែលកំពុងត្រៀមខ្លួនតំណាងអោយកម្ពុជាយើងផងដែរ ក្នុងការប្រកួតនៅថ្ងៃខាងមុខ។
ចំពោះអ្នកគាំទ្រ នេះពិតជាប្រសើរ និងមានមោទនភាពខ្លាំងណាស់ ដែលមហាជនបានឃើញពួកគាត់ទាំងបីរូប ចេះជួយគ្នា និងផ្តល់បទពិសោធន៍អោយគ្នាទៅវិញទៅមក ក្នុងការនាំយកប្រទេសកម្ពុជាទៅបង្ហាញលើឆាកអន្តរជាតិតាមរយៈកម្មវិធី Miss Universe។
ចង់ដឹងច្បាស់ សូមតាមដាននូវវីដេអូខាងក្រោម៖