ឥណ្ឌា៖ ដំរីឥណ្ឌាឈ្មោះថា Emma មានអាយុ៤០ឆ្នាំមួយក្បាល ដែលត្រូវបានម្ចាស់បង្ខំឱ្យធ្វើការហួសកម្លាំង ពេលនេះត្រូវបានក្រុមអភិរក្សសត្វព្រៃជួយសង្គ្រោះហើយ។ ក្រុមអ្នកអភិរក្សសត្វព្រៃបានជួយសង្គ្រោះដំរីមួយក្បាលនេះ នៅថ្ងៃចូលឆ្នាំសកលក្នុងទីក្រុង Dhanbad ភាគខាងកើតនៃប្រទេសឥណ្ឌា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយធ្វើការពិនិត្យដំរី Emma រួច គេបានរកឃើញថា ដំរីនេះមានបញ្ហាកង្វះអាហារូបត្ថម្ភធ្ងន់ធ្ងរ និងទទួលរងជំងឺរលាកសន្លាក់ឆ្អឹងរ៉ាំរ៉ៃ។ ម៉្យាងវិញទៀត គេក៏បានរកឃើញមាន បំណែកកញ្ចក់ កម្ទេចដែក និងដុំថ្មនៅក្នុងជើងរបស់វាផងដែរ។
ក្រុមអភិរក្សសត្វព្រៃ Wildlife SoS បានប្រាប់ឱ្យដឹងថា ម្ចាស់ដំរី Emma តែងឱ្យវាស៊ីចំណីគ្មានអនាម័យដូចជា អាហារបំពង់ ជក់ថ្នាំ ឬផឹកគ្រឿងស្រវឹងក៏មាន ហើយបង្ខំឱ្យធ្វើការធ្ងន់ និងសម្រាកមិនគ្រប់គ្រាន់ ដែលជាមូលហេតុធ្វើឱ្យសុខភាពរបស់វាចុះខ្សោយ។
គួរជម្រាបដែរថា បច្ចុប្បន្ននេះ ក្រុមអភិរក្សសត្វព្រៃបានយកចិត្តទុកដាក់យ៉ាងខ្លាំងទៅលើដំរី Emma ហើយបានផ្តល់នូវការថែទាំផ្នែកវេជ្ជសាស្រ្ត ដែលដំរីកំសត់មួយក្បាលនេះកំពុងត្រូវការ៕
Bong I.T