រាជធានីភ្នំពេញ ៖ ក្មេងស្រីម្នាក់អាយុទើបតែ១៧ឆ្នាំ បានឡើងបញ្ជារថយន្ដឆ្លាម ដោយខ្លួនមិនទាន់ទាំងចេះបើកពិតប្រាកដផង បានថយទៅបុកទ្វារកញ្ចក់ហាងកាត់ដេរមួយកន្លែងពេញទំហឹង ហើយបន្តទៅបុកគូទរថយន្តមួយគ្រឿងទៀតដែលគេចតចោលនៅមុខហាងកាហ្វេ បណ្តាលឱ្យខូចខាតទើបរថយន្តបង្កឈប់តែម្តង។ ករណីនេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី ៨ មករា ២០១២ នៅតាមបណ្ដោយផ្លូវ២៥៧កែងផ្លូវ១៥០ ក្នុងសង្កាត់ទឹកល្អក់២ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញ ក្មេងស្រីវ័យក្មេងម្នាក់មិនស្គាល់អត្ដសញ្ញាណបានថយរថយន្ដចេញពីលំនៅឋានរបស់ខ្លួនតាមបណ្ដោយផ្លូវ២៥៧ក្នុងសង្កាត់ទឹកល្អក់២ ខណ្ឌទួលគោក ដោយទើបតែចេះបើកឡានស្ទើរភ្លើង ក៏ប៉ះទ្វារកញ្ចក់ហាងកាត់ដេរ និងហូលផាមួងស៊ីវវុធ សុវណ្ណភូមិ បណ្ដាលឱ្យបែកកញ្ចក់ប្រាវតែម្ដង។ប្រភពបន្ដទៀតថាក្រោយពីបុកទ្វារហាងគេឱ្យបែកកញ្ចក់ហើយ ក្មេងស្រីបើកបរថយន្ដទំនងជាភ័យផង បានដាក់លេខរថយន្ដបើកទៅមុខ ក៏បុកគូទរថយន្តមួយទៀតដែលនៅមិនឆ្ងាយពីហាងនេះ ឈប់លែងទៅមុខរួចតែម្ដង។ គ្រោះថ្នាក់នេះពុំបណ្ដាលឱ្យមានមនុស្សរងរបួសនោះទេ ។
ទោះបែបណាក្រុមគ្រួសាររបស់ក្មេងស្រីរងគ្រោះបានចេញប្រាក់សងថ្លៃខូចខាតទ្វារកញ្ចក់ហាងកាត់ដេរ និងរថយន្ដដែលរងការខូចខាតទាំងអស់ជាការបញ្ចប់រឿង៕
ដកស្រង់ពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]