តូក្យូ៖ នាយករដ្ឋមន្រ្តីជប៉ុនលោក Yoshihide Suga បានប្រកាសដាក់ទីក្រុងតូក្យូ និងខេត្តជាប់គ្នាចំនួន ៣ទៀតនៅក្នុងស្ថានភាពគ្រាអាសន្នកាលពីថ្ងៃព្រហស្បតិ៍នេះ ដោយនឹងចូលជាធរមាននៅថ្ងៃសុក្រនេះ ហើយដំណើរការរហូតដល់ថ្ងៃទី ៧ ខែកុម្ភៈ ឆ្នាំ២០២១ ដើម្បីប្រយុទ្ធប្រឆាំងនឹងការកើនឡើងនៃវីរុសកូវីដ១៩។ វិធានការនេះនឹងត្រូវដាក់ចេញនៅក្នុងទីក្រុងតូក្យូ និងខេត្តចំនួន ៣ទៀតគឺ ខេត្ត Saitama ខេត្ត Kanagawa និងខេត្ត Chiba ដែលមានប្រជាជនប្រមាណជា ៣០ ភាគរយនៃប្រជាជនសរុបនៅក្នុងប្រទេសជប៉ុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះវិធានការស្ថានភាពគ្រាអាសន្នក្នុងទីក្រុងតូក្យូ ក៏ដូចជាខេត្តទាំង៣ខាងលើនេះ ក្នុងនោះមានការស្នើឱ្យភោជនីយដ្ឋាន និងបារនីយដ្ឋានបិទត្រឹមម៉ោង ៨យប់ ហើយពលរដ្ឋត្រូវចៀសវាងការចេញក្រៅដែលគ្មានការចាំបាច់ និងកំណត់អ្នកចូលរួមនៅក្នុងព្រឹត្តិការណ៍កីឡាឬព្រឹត្តិការណ៍ធំៗណាមួយ មកត្រឹមតែ ៥,០០០នាក់ប៉ុណ្ណោះ។
គួរជម្រាបដែរថា អ្នកជំនាញផ្នែកវេជ្ជសាស្រ្តបានប្រាប់ឱ្យដឹងថា ពួកគេគិតថាផែនការរបស់រដ្ឋាភិបាលអាចនឹងមិនទាន់គ្រប់គ្រាន់នៅឡើយ ដើម្បីប្រយុទ្ធនឹងកូវីដ១៩ ព្រោះតែករណីវីរុសកូវីដ១៩ថ្មីៗជាច្រើនកំពុងកើនឡើងនៅទូទាំងប្រទេសជប៉ុន៕