ស៊ែប៊ី៖ យោងតាមប្រភពព័ត៌មាន Reuters បានឱ្យដឹងថា គំនរផ្លាស្ទិករាប់ម៉ឺនតោនបាននឹងកំពុងគំរាមកំហែងដល់រោងចក្រវារីអគ្គិសនីមួយក្នុងប្រទេសស៊ែប៊ី ហើយឥឡូវនេះ រដ្ឋមន្ត្រីបរិស្ថានបានបញ្ជាឱ្យធ្វើការសំអាតជាបន្ទាន់នៅចុងសប្តាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេបានពិនិត្យរកឃើញថា គំនរសំរាមដ៏សម្បើម កំពុងអណ្តែតស្ទើរតែពាសពេញបឹង Potpecko នៅក្នុងប្រទេសស៊ែប៊ី ជាប់ទៅនឹងទំនប់ទឹក។ សកម្មជនបរិស្ថានលោក Sinisa Lakovic ក៏បានប្រាប់ឱ្យដឹងដែរថា គំនរសំរាមក្នុងទំនប់ខាងលើនេះ គ្របដណ្ដប់លើដីប្រមាណជា ២០,០០០ ម៉ែត្រគូប ដោយភាគច្រើនវាហូរចេញពីកន្លែងចាក់សំរាមបញ្ច្រាសនឹងដងទន្លេ Lim។
លោក Sinisa Lakovic បានគូសបញ្ជាក់បន្ថែមទៀតថា៖
រឿងនេះមិនមែនជាបញ្ហាទើបតែកើតមានថ្មីៗនោះទេ ប៉ុន្តែវាជាបញ្ហាមួយដែលមានរយៈពេលជាច្រើនទសវត្សរ៍មកហើយ ដោយសារតែកន្លែងចាក់សំរាមគ្មានសណ្ដាបធ្នាប់ និងអនាម័យ។
គួរជម្រាបដែរថា ប្រទេសស៊ែប៊ីដែលកំពុងងើបឡើងវិញពីសង្គ្រាមនិងវិបត្តិសេដ្ឋកិច្ចនៅទសវត្សរ៍ឆ្នាំ ១៩៩០ គឺមិនបានចូលរួមចំណែកពេញលេញ ដើម្បីដោះស្រាយបញ្ហាបរិស្ថាននោះទេ ដោយសារតែបញ្ហាកង្វះផ្នែកមូលធន៕
Bong I.T