ទោះត្រូវចិញ្ចឹមកូនតែម្នាក់ឯង! ធំឡើង ភិន សុដាលីស បង្រៀនកូនបែបនេះ ពិតជាមានអត្ថន័យ

ភ្នំពេញ៖ តារាសម្ដែងស្រីកូនមួយអ្នកនាង ភិន សុដាលីស បច្ចុប្បន្ន កំពុងរស់នៅជាមួយកូនស្រីយ៉ាងមានក្ដីសុខ ម្យ៉ងវិញទៀត បើទោះបីអ្នកម៉ាក់សម័យថ្មីរូបនេះ មានភាពមមាញឹកនឹងការងារយ៉ោងណាក្ដី ក៏នាងនៅតែផ្ដល់ពេលវេលានៅក្បែរ និងផ្ដល់ភាពកក់ក្ដៅជូនកូនស្រីផងដែរ។​ មិនតែប៉ុណ្ណោះ ទោះត្រូវមើលថែកូនតែម្នាក់ឯង តែនាងមានទំនួលខុសត្រូវខ្ពស់គួរឲ្យសរសើរ ជាពិសេសមួយរយៈចុងក្រោយនេះ តារារូបនេះក៏ឧស្សាហ៍នាំកូនស្រីដើរលេង ចេញក្រៅយ៉ាងរីករាយទៀតផង។ 

យ៉ាងណាមិញ បើក្រឡេកទៅមើលកូនស្រីអ្នកមេម៉ាយរូបនេះវិញ ឃើញថាកូនស្រីរបស់នាង កាន់តែលូតលាស់ធំធាត់ជាងមុន ព្រមទាំងរូបសម្រស់ស្រស់ស្អាត និងឆ្លាតមិនចាញ់ម្ដាយប៉ុន្មានឡើយ។ លើសពីនេះទៅទៀត ស្របពេលដែលកូនស្រីកាន់តែធំជាងមុនពីមួយថ្ងៃទៅមួយៗ ប៉ុន្មានម៉ោងមុននេះ អ្នកនាង ភិន សុដាលីស បានបង្ហោះរូបជាមួយកូនស្រីយ៉ាងស្និទ្ធស្នាល ហើយថែមទាំងបានសរសេរសារនិយាយពីជីវិតជូនទៅកាន់ កូនស្រីពេលធំឡើងយ៉ាងមានន័យដូច្នេះថា៖ 

ជាការពិត ក្រៅពីជាម្ដាយដ៏ល្អសម្រាប់កូនស្រីហើយ តារារូបនេះ ក៏បានបង្រៀនកូនស្រីឲ្យក្លាយជាមួយមនុស្សល្អ ហើយចេះរឹងមាំដោយខ្លួនឯងពេលធំឡើង និងពេលជួបឧបសគ្គក្នុងជីវិតផងដែរ។ ហើយមូលហេតុដែលអ្នកម្ដាយសម័យថ្មីរូបនេះបង្ហោះសារនិយាយបែបនេះជូនទៅកូនស្រី ក៏ព្រោះតែនាងធ្លាប់ជួបរឿងព្យុះភ្លៀងច្រើនកន្លងមក រហូតអាចឲ្យនាងរឹងមាំមកទល់សព្វថ្ងៃនេះបាន។ បន្ទាប់ពី តារាស្រីរូបនេះបង្ហោះសារនេះរួច ក៏មានអ្នកគាំត្រជាច្រើន ពេញចិត្តនឹងសម្ដីប៉ុន្មានឃ្លានេះគ្រប់គ្នាតែម្ដង៕ 

សូមទស្សនារូបភាពខាងក្រោម៖