សារព័ត៌មានបានរាយការណ៍ថា ការធ្វើកោសល្យវិច្ច័យរបស់ Dacera បានបង្ហាញថា ការស្លាប់របស់នាងគឺបណ្តាលមកពីការដាច់សរសៃឈាម។ បែបនេះក្តី ការចោទប្រកាន់ត្រូវបានធ្វើឡើងបន្ទាប់ពីមានការដាច់រលាត់ និងមានស្ពែមត្រូវបានគេរកឃើញនៅក្នុងប្រដាប់បន្តពូជរបស់នារីរងគ្រោះ។ ការធ្វើកោសល្យវិច័្ចយបានរកឃើញថា ភេសជ្ជៈរបស់នាងនៅយប់នោះ ក៏ត្រូវបានគេដាក់សារធាតុញៀន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រតិកម្មទៅនឹងការរកឃើញនូវមូលហេតុនៃការបណ្តាលឱ្យស្លាប់នេះ មេធាវីនៃគ្រួសារជនរងគ្រោះ Reyes បាននិយាយថា «កត្តាទាំងនោះមិនធ្វើឱ្យមានរបួសសរសៃឈាមរបស់នាងទេ។ យើងចង់បានរបាយការណ៍ក្រោយមរណភាព ដែលឯករាជ្យពីច្បាប់វេជ្ជសាស្ត្រផ្សេងទៀត»។
លោកបានបន្ថែមទៀតថា «យើងមានហេតុផល ដែលអាចចាត់ទុកជាការរំលោភសេពសន្ថវៈច្រើនជាមួយនឹងការពិតដែលនាងរងរបួសទាំងនេះនៅលើជើង និងដៃរបស់នាង”។ ប៉ុន្តែនាយឧត្តមសេនីយ៍ លោក Debold Sinas ប្រធានប៉ូលីសជាតិហ្វីលីពីនបាននិយាយថាករណីនេះត្រូវបាន “ដោះស្រាយ” ជាផ្លូវការជាមួយនឹងជនល្មើសបីនាក់ ដែលកំពុងជាប់ឃុំខ្លួន និងការឃ្លាំមើល។
បើយោងតាម Reyes លទ្ធភាពនៃបញ្ហានេះ គឺជាអ្វីដែលបណ្តាលឱ្យការធ្លុះធ្លាយសរសៃឈា របស់នាងនៅតែត្រូវបានគេកំពុងពិចារណានៅឡើយទេ។ លោកបាននិយាយទៀតថា "សារធាតុញៀនត្រូវបានប្រើលើ Dacera ហើយនាងត្រូវបានគេរំលោភបំពានមុនពេលនាងស្លាប់។ នោះហើយជាមូលហេតុដែលយើងចោទប្រកាន់ថាជាបទរំលោភ និងមនុស្សឃាត"។
Paolo Tuliao ក្រុមមេធាវីខាងច្បាប់បាននិយាយថា «យើងកំពុងជំទាស់នឹងការរកឃើញ ដែលថាការស្លាប់នេះ បណ្តាលមកពីការវិវត្តនៃសរសៃឈាម។ ពួកគេមិនបានបញ្ជាក់ពីស្នាមជាំដែលរកឃើញលើនាងទេ»។
"យើងកំពុងស្វែងរករបាយការណ៍ក្រោយមរណភាពពីឱសថស្ថានមួយទៀត" និង ក្រុមគ្រួសារជនរងគ្រោះបានស្នើសុំធ្វើកោសល្យវិច័្ចយមួយផ្សេងទៀត។
Tuliao បានបន្ថែមទៀតថា ការអះអាងថាបុរសដែលនៅជាមួយនាងគឺជាខ្ទើយ វាគ្រាន់តែជាភ័ស្តុតាងសម្តីប៉ុណ្ណោះគឺមិនអាចយកទទួលយកបានទេ ពួកគេគឺត្រូវតែដាក់ទៅអោយយុត្តាធិការរបស់ព្រះរាជអាជ្ញាដើម្បីកាត់ក្ដី។
ការស៊ើបអង្កេតបឋមរបស់ប៉ូលីសជាតិហ្វីលីពីនបានបង្ហាញថា មូលហេតុនៃការស្លាប់គឺបណ្តាលមកពីការដាច់សរសៃឈាមក្នុងខួរក្បាល។ ការដាច់រហែកដែលអាចមើលឃើញ និងភ័ស្តុតាងផ្សេងទៀតផ្អែកលើរបាយការណ៍វេជ្ជសាស្ត្រ ដែលចង្អុលបង្ហាញពីកត្តានៃការរំលោភបំពាន។
រួមបញ្ចូលទាំងការប្រព្រឹត្តអំពើផ្លូវភេទដោយបង្ខំ "សេចក្តីថ្លែងការណ៍ដាច់ដោយឡែកមួយ ដែលចេញដោយគណៈកម្មការសិទ្ធិមនុស្សស្តីពីឧប្បត្តិហេតុនោះបានអាន។ ករណីនេះមិនអាចត្រូវបានគេចាត់ទុកថា ជាការដោះស្រាយបានទេ ដរាបណាយុត្តិធម៌បានឈានដល់ដំណាក់កាលកំណត់ ហើយហើយជនល្មើសត្រូវទទួលខុសត្រូវមុខច្បាប់” ។
ក្រុមគ្រួសារនាង Dacera ក៏កំពុងពិចារណាដាក់ពាក្យបណ្តឹងសណ្ឋាគារ បន្ទាប់ពីអនុញ្ញាតឱ្យមនុស្ស ៩ នាក់នៅក្នុងបន្ទប់ ទោះបីជាមានវិធានការណ៍នៃការចត្តាឡីស័កនៅឡើយ។ រីឯមន្ទីរទេសចរណ៍ក៏បានចេញបទបញ្ជាប្រឆាំងនឹងសណ្ឋាគារពីបទបំពានច្បាប់របស់សណ្ឋាគារដូចគ្នា៕
Bong I.T